मकवानपुर । मकवानपुर प्रहरीले जिल्लाकाे राक्सिराङ गाउँपालिकाबाट २१२ केजी गाँजासहित बाेलेराे गाडी नियन्त्रणमा लिएको छ । राक्सिराङ ५ चैनपुरमा प्रहरीले उक्त परिमाणको गाँजासहित बोलेराे नियन्त्रणमा लिएको हो ।
कैलाश गाउँपालिका तर्फबाट मनहरी बजारतर्फ आउँदै गरेको बा १० च ७७५८ नम्वरको बोलेरो गाडीका चालकले प्रहरीलाई देख्नासाथ गाडीमा सवार १ जना व्यक्तीसहित गाडी सडकमा छोडी भागेकाे प्रहरीले जनाएकाे छ । प्रहरीका अनुसार उक्त गाडीको पछाडी ढालाको भागमा लुकाइ ल्याइएको अवस्थामा २१२ केजी गाँजा बरामद गरिएकाे हाे ।
बरामद गरिएकाे गाँजा र गाडी नियन्त्रणमा लिई फरार रहेका व्यक्तीहरुकाे खोजतलास तथा आवश्यक अनुसन्धान भइरहेकाे जिल्ला प्रहरी कार्यालय मकवानपुरले जनाकारी दिएकाे छ ।

