मकवानपुर । मकवानपुर जिल्ला लिग फुटबलको मिति सरेको छ । ७ भदौबाट हुने भनिएको प्रतियोगिता एकहप्ता पछि सारिएकाे हाे ।
आयोजक मकवानपुर जिल्ला फुटबल संघको बुधबार बसेकाे कार्यसमितिको आकस्मिक बैठकले प्रतियोगिता एक हप्ता पर सारिएकाे जानकारी दिएकाे छ । बैठकले झरी वर्षाका कारण मौसम अनुकुल नरहेकोले १४ भदौबाट लिग प्रतियाेगिता संचालन हुने गरी मिति सारिएकाे आयोजकले जनाएकाे छ ।
प्रतियोगिताकाे लागि ९ भदौसम्म टिम दर्ता, १० भदौमा खेल तालिका सार्वजनिक हुने गरी कार्यतालिका समेत सारिएकाे हाे ।

