मकवानपुर । रमेशमोहन अधिकारीको नियात्रा संग्रह ‘संयात्राको संयोग’ सार्वजनिक भएको छ । शनिबार हेटौंडामा अधिकारीको नियात्रा सङ्ग्रह सार्वजनिक भएको हो ।
झरना साहित्यिक परिवारको ३०६ औं साहित्य श्रृङ्खलामा अधिकारीकाे कृति विमोचन गरिएकाे हाे । अधिकारीको नियात्रा सङ्ग्रहमाथि साहित्यकार दीपक गौतम र रजनी पौडेलले समीक्षा गरेका थिए ।
अधिकारीको यो पाँचौं कृति हो । यसअघि अधिकारीका तीन वटा नियात्रा सङ्ग्रह र एउटा कविता सङ्ग्रह प्रकाशित छन् । अधिकारीको कृति ‘संयात्राको संयोग’ मा २८ वटा शीर्षकमा संस्मरण समावेश छन् । बुलबुल पब्लिकेसनले प्रकाशन गरेको नियात्रा सङ्ग्रहलाई पाँच खण्डमा प्रस्तुत गरिएकाे अधिकारीले बताए ।
झरना साहित्यिक परिवारका अध्यक्ष विश्वनाथ सञ्जालको अध्यक्षता तथा साहित्यकार रामचन्द्र आचार्य ‘फुर्सदी’ को प्रमुख आतिथ्यमा कार्यक्रम भएको हो ।

