मकवानपुर । मकवानपुरको मकवानपुरगढी गाउँपालिकामा करेन्ट लागेर एक जनाको मृत्यु भएको छ ।
मृत्यु हुनेमा मकवानपुरगढी वडा नम्बर ८ ईपाखहरे बस्ने ३७ वर्षीय दिक्पाल स्याङ्तान रहेका प्रहरीले जनाएको छ ।
जिल्ला प्रहरी कार्यालय मकवानपुरका अनुसार स्थानीय राम बहादुर घिसिङको बारीमा रहेको बिजुलीको पोलमा करेन्ट लागेर स्याङ्तानको मृत्यु भएको हो ।
शव पोष्टमार्टमका लागि हेटौंडा अस्पताल ल्याएको प्रहरीले जनाएको छ ।

