मकवानपुर । मकवानपुरको मनहरीमा लडेर एक जनाकाे मृत्यु भएको छ। मनहरी ६ सुनाचुरीमा एक जना पुरुष लडि घाईते भएकाेमा उनकाे उपचारकाे क्रममा मृत्यु भएकाे हाे ।
बिहीबार मनहरी ६ सुनाचुरीमा बाराको कोल्हवी ८ मधुवन घर भइ चितवन खैरेनी ९ सिमलटाँडीमा लेबर काम गर्दै आएका अन्दाजी ३०/३२ वर्षीय पुजन राम लडि घाइते भएका थिए । उनलाई उपचारको लागि पुरानो मेडिकल कलेज भरतपुर चितवन पठाइएकोमा उपचारकाे क्रममा मृत्यु गएको मकवानपुर प्रहरीले जनाएकाे छ ।
पुजन लडेको अवस्थामा राजेश रामले फेला पारी सुनाचुरी प्रहरीको सहयोगमा उद्धार गरी अस्पताल लगिएकाे थियाे । प्रहरीका अनुसार घाइतेको दाहिने आँखी भौँ माथि भित्री चोट रहेको थियाे ।

