मकवानपुर । मकवानपुरको भीमफेदी गाउँपालिका जुरिखेतमा भएकाे कार दुर्घटनामा मृत्यु हुनेकाे संख्या ३ पुगेकाे छ ।
हेटौंडा-भैसे-भीमफेदी- काठमाडौँ सडकखण्डको भीमफेदी ६ जुरिखेतमा कार सडकबाट २५० मिटर तल खसेको थियो । उक्त दुर्घटनामा एक बालिका सहित २ जनाको मृत्यु भएको थियाे । उपचारकाे क्रममा थप एक पुरुषकाे समेत मृत्यु भएकाे मकवानपुर प्रहरीले जनाएको छ ।
काठमाडौबाट हेटौडातर्फ आउदै गरेको बा ६ च ९३७९ नम्बरको कार बुधबार अपरान्ह अनियन्त्रित भई सडकबाट २५० मिटर तल खस्दा ५ जना घाइतेकाेमा ३ जनाकाे उपचारकाे क्रममा मृत्यु भएकाे जिल्ला प्रहरी कार्यालय मकवानपुरले जानकारी दिएको छ । घाइते मध्ये मृत्यु भएकामा ३/४ महिनाकी शिशु र २ जना पुरुष रहेकाे प्रहरीले जनाएकाे छ ।
घटनास्थलबाट इलाका प्रहरी कार्यालय भिमफेदीको टोलीले घाईतेको उद्धारगरी उपचारका लागि हेटौंडा ल्याइएकाे थियो । प्रहरीका अनुसार घाइते २ जना महिलाकाे हेटौडास्थित मकवानपुर सहकारी अस्पतालमा उपचार भइरहेको छ। घाईते र मृतकको पहिचान भने हालसम्म हुन नसकेको प्रहरीले जनाएको छ ।

