मकवानपुर । मकवानपुरको हेटौंडा उपमहानगरपालिकामा १ जनाकाे मृत्यु भएकाे छ । हेटौडा ११ भैरवडाँडामा घाइते अवस्थामा भेटिएका १ जना पुरुषको मृत्यु भएको मकवानपुर प्रहरीले जनाएकाे छ ।
मंगलबार बिहान भैरवडाँडास्थित पाथिभरा मन्दिर जाने बाटोमा अन्दाजी ३५ बर्षीय पुरुष घाइते अवस्थामा फेलाको जिल्ला प्रहरी कार्यालय मकवानपुरले जनाएकाे छ । घाइते उक्त पुरुषलाई उपचारका लागि हेटौंडा अस्पतालमा ल्याईएकोमा मंगलबार दिउँसो डाक्टरले मृत घोषणा गरेको प्रहरीले जनाएको छ ।
प्रहरीका अनुसार पहिचान नखुलेको मृतककाे शव हेटौंडा अस्पतालमा राखिएको तथा घटनाबारे अनुसन्धान भइरहेको छ ।

