मकवानपुर । मकवानपुरकाे हेटौंडामा गिजर प्रयोग गरी नुहाउने क्रममा १ जनाकाे मृत्यु भएकाे छ । हेटौडा उपमहानगरपालिका वडा नम्बर ९ लामसुरेका २१ वर्षीय युनेश काफ्लेकाे ग्यास गिजर प्रयोेग गरी नुहाउने क्रममा मृत्यु भएको मकवानपुर प्रहरीले जनाएकाे छ ।
सोमबार दिउँसो नुहाउन गएका उनी लामो समय बाथरुमबाट ननिस्किएपछि परिवारका सदस्यले बाथरुमको ढोका फोडेका थिए । प्रहरीका अनुसार बाथरुममा ग्यास गिजर प्रयोेग गरी नुहाउने क्रममा उनी वेहाेश भएकाे पाइएकाे थियाे । अचेत अवस्थामा युनेशलाई उपचाचरकाे लागि हेटौंडाकाे मकवानपुर सामुदायिक अस्पताल पुर्याउँदा चिकित्सकले मृत घोषित गरेकाे जिल्ला प्रहरी कार्यालय मकवानपुरले जानकारी दिएकाे छ ।

