मकवानपुर । राष्ट्रिय स्वतन्त्र पार्टी (रास्वपा) मकवानपुरले उपप्रधानमन्त्री एवं गृहमन्त्री नारायणकाजी श्रेष्ठको राजीनामा माग गर्दै शनिबार हेटौंडामा विरोध प्रदर्शन गरेको छ ।
ललितपुरको बालकुमारीमा शुक्रबार दिउँसो प्रहरीको गोली लागेर दुई युवकको मृत्यु भएको घटनाको विरोध गर्दै प्रदर्शन गरिएको रास्वापा मकवानपुरले जनाएको छ । रास्वपाले जिल्ला पार्टी कार्यालय हेटौडा भुटनदेवी मन्दिरराेडबाट ब्यानरसहित विरोध र्याली गर्दै हेटौंडाको मुख्य बजार क्षेत्र बुद्ध चोकसम्म प्रदर्शन गरेको थियो ।
प्रदर्शन पछि विरोध सभाको आयोजना गरेको थियो पार्टीकाे कार्यक्रममा प्रतिनिधि सभा सदस्य विन्दवासिनी कंशाकार समेतकाे सहभागिता रहेको थियो । प्रदर्शनमा पार्टीका नेता तथा कार्यकर्ताहरुले ‘हत्यारा सरकार जवाफ दे, गठबन्धन सरकार चाहिदैन, जनता मार्न पाइदैँन, निरकुंश गृहमन्त्री जवाफ दे,’ लगाएतका नारा लगाएका थिए । विरोध प्रदर्शनमा प्रतिनिधि सभा सदस्य विन्दवासिनी कंशाकारको पनि सहभागिता रहेको थियो ।

