मकवानपुर । मकवानपुरको मनहरी गाउँपालिकामा ट्रकको ठक्करबाट स्कुले बालकको मृत्यु भएको छ । मृत्यु हुनेमा राष्ट्रिय आधारभुत बिधालय मनहरी रमनटारमा कक्षा १ मा पढ्ने बिधार्थी उमेश प्रजा रहेको मकवानपुर प्रहरीले जनाएको छ ।
बुधबार मनहरी ७ रमनटार स्थित पूर्व पश्चिम सडकखण्डमा चितवनबाट हेटौडातर्फ आउदै गरेको ना ५ ख ३७८३ नम्बरको ट्रकले अन्दाजी ६/७ वर्षका प्रजालाई ठक्कर दिँदा गम्भीर घाईते भएका थिए । प्रजालाई उपचारको लागि प्राथमिक स्वास्थ्य केन्द्र मनहरी हुँदै चितवन रिफर गरिएकोमा पुरानो मेडिकल कलेज भरतपुरमा उपचारको क्रममा डाक्टरले मृत्यु घोषणा गरेको जिल्ला प्रहरी कार्यालय मकवानपुरले जनाएको छ । ।
मकवानपुर प्रहरीले ट्रक चालकलाई नियन्त्रणमा लिएर आवश्यक अनुसन्धान गरि रहेको जानकारी दिएको छ ।

