मकवानपुर । बसामाडी जेसीजको सप्ताहव्यापी कार्यक्रम सुरु भएकाे छ । नियमित कार्यक्रम अन्तरगत बुधबारबाट सुरु भएकाे जेसीज सप्ताहकाे पहिलाे दिन बुधबार फुटसल प्रतियाेगिता आयोजना गरिएकाे हाे ।
मंसिर २३ गतेसम्म संचालन हुने जेसीज सप्ताहमा सात वटा कार्यक्रमको आयोजना गरिने जेसीजले जनाएकाे छ । सप्ताहव्यापी कार्यक्रम अन्तरगत आज पहिलो दिन मनिष खड्काको संयोजकत्वमा कमलडाँडा अन्तर जेसीज फूटसल प्रतियोगिता भएकाे हाे । यसै गरी आज नै ध्रुव गौतमको संयोजकत्वमा जनप्रिय माबि हटियामा लागुपदार्थ दुर्व्यसन विरुद्ध सचेतना कार्यक्रम हुने जेसीआई बसामाडी अध्यक्ष जनक भण्डारी जानकारी दिए ।
यस्तै, २२ गते प्रमोद उप्रेतीको संयोजकत्वमा आशा फाउन्डेसन स्कुलमा खाद्यान्न बितरण कार्यक्रम र दिपेन्द्र यादबको संयोजकत्वमा सिद्धार्थ शिशु सदन माबि मा बक्तृत्वकला प्रतियोगिता हुनेछ । सप्ताह कार्यक्रमको अन्तिम दिन मंसिर २३ गते बुद्धराज अर्यालको संयोजकत्वमा होटल लियो इन हेटौंडामा समापन तथा पुरस्कार बितरण कार्यक्रम हुने जनाइएको छ ।

