मकवानपुर । मकवानपुर प्रहरीले हेटौंडाबाट लागूऔषध गाजासहित १ जनालाई नियन्त्रणमा लिएको छ ।
प्रहरीले पूर्व–पश्चिम सडकखण्ड अन्तरगत हेटौंडा उपमहानगरपालिका वडा नम्वर ११ थानाभर्याङबाट लागूऔषध गाँजा ३ किलोसहित १ युवकलाई नियन्त्रणमा लिइएको हो ।
जिल्लाको राक्सिराङ गाउँपालिका वडा नम्वर १ बस्ने १९ वर्षीय सबिन स्याङबोलाई उक्त गाजासहित नियन्त्रणमा लिइएको मकवानपुरका प्रहरी प्रवक्ता प्रहरी नायव उपरीक्षक लक्ष्मी भण्डारीले जानकारी दिए ।
भण्डारीका अनुसार सोमबार बिहान चितवनबाट हेटौंडातर्फ आउँदै गरेको ना ५ ख ७७८१ नम्वरको बसलाई जाँच गर्ने क्रममा बसमा सवार स्याङबोको साथबाट प्रहरीले उक्त परिमाणको गाँजा बरामद भएपछि निजलाई नियन्त्रणमा गरिएको हो ।

