मकवानपुर । बागमती प्रदेश सरकारले मातहतका ७ वटा अस्पताललाई शवबाहन हस्तान्तरण गरेको छ । आइतबार स्वास्थ्य मन्त्री उत्तम जोशीले प्रदेश सरकार मातहतका ७ वटा प्रादेशिक अस्पताललाई शवबाहन हस्तान्तरण गरेका हुन् ।
स्वास्थ्य आपूर्ति व्यवस्थापन केन्द्रले टेण्डरमार्फत भन्सार छुटमा खरिद गरेको शवबाहन अस्पताललाई हस्तान्तरण गरिएकाे हाे । केन्द्रका अनुसार आर्थिक वर्ष २०७९/०८० मै मन्त्रालयबाट स्वीकृत कार्यक्रमअनुसार शवबाहन खरिद गरिएको हो ।
कार्यक्रममा स्वास्थ्य मन्त्रालयका सचिव बद्री बहादुर खड्का, वरिष्ठ जनस्वास्थ्य प्रशासक दीपक प्रसाद तिवारी, स्वास्थ्य आपूर्ति व्यवस्थापन केन्द्रका कामु निर्देशक बसन्त अधिकारी र वरिष्ठ जनस्वास्थ्य प्रशासक सतिस विष्टलगायतकाे उपस्थिति थियो ।

