मकवानपुर । बागमती प्रदेश सरकार मन्त्रिपरिषद्को बैठक वैशाख ३१ आइतबार बसेको छ । मन्त्रिपरिषद्को बैठकले बागमती प्रदेश सभाको अधिबेशन जेठ ९ गते १ बजेको लागि आव्हान गर्ने निर्णय गरेको छ ।
यस्तै आजको बैठकले प्रदेश सरकारी कामकाजको भाषा सम्बन्धी बिधेयक मस्यौदा तयारीको सिद्धान्त स्वीकृति दिने निर्णय गरेको छ ।
बैठकले दोलखाको जिरी नगरपालिका ५ मा प्रदेश गौरबको आयोजनाको रुपमा निर्माण गरिने मानव निर्मित पर्यटकीय ताल निर्माणका लागि जग्गा प्राप्ती (७७५ रोपनी) सम्बन्धी प्रारम्भिक प्रकृया अगाडि बढाउने निर्णय गरेको छ ।
