मकवानपुर । बागमती प्रदेश सभा बैठक १ महिना पछि बस्ने भएको छ ।
२०७९ साल चैत्र १० गते मुख्यमन्त्री शालिकराम जम्कट्टेलले विश्वासको मत प्राप्त गरेपश्चात अर्को सूचना जारी नभएसम्मका लागि स्थगित गरिएको बैठक बैशाख १२ गतेको लागि आह्वान गरिएको छ । १ महिना २ दिन पछि बैठक बस्ने गरि बैशाख १२ गते बुधबार अपराह्न २ बजेका लागि बैठक आह्वान गरिएको प्रदेश सभा सचिवालयकाले जनाएको छ ।
बुधबारको बैठकमा प्रदेशस्तरको शिक्षा व्यवस्थापन तथा नियन्त्रण सम्बन्धमा बनेको विधेयक २०८० र मदन भण्डारी स्वास्थ्य विज्ञान प्रतिष्ठान संग सम्बन्धित अध्यादेशको संसोधन विधेयक माथिको दफावार छलफल गर्ने कार्य सुची रहेको बताइएको छ ।
१ सय १० जना सदस्य रहेको प्रदेश सभामा नेपाली कांग्रेस, नेकपा एमालेका,नेकपा माओवादी केन्द्र, राष्ट्रिय प्रजातन्त्र पार्टी (राप्रपा), नेकपा एकीकृत समाजवादी नेपाल मजदुर किसान पार्टी (नेमकिपा), र हाम्रो नेपाली पार्टीको प्रतिनिधित्व रहेको छ ।

