मकवानपुर । मकवानपुर भीमफेदीमा रहेको क्षेत्रीय कारागारका १ जना कैदी बन्दीको मृत्यु भएको छ ।
कर्तव्य ज्यान मुद्दामा कारागारमा रहेका वर्ष ३५ का समीर परियारको उपचारको क्रममा हेटौंडा अस्पतालमा मृत्यु भएको मकवानपुर प्रहरीले जनाएको छ ।
मनहरी गाउँपालिका वडा नम्बर ६ लोथर घर भएका परियार बुधबार एक्कासी बहोस भई ढलेकोले उपचारको लागि प्रहरी नायब निरीक्षक लाल बहादुर सुनार सहित २ जानको टोलीले कारागार सुरक्षाको सवारी साधनमा उनलाई हेटौडा अस्पतालमा ल्याइएको थियो ।
परियारको उपचारको क्रममा दिउसो १२:२० बजेको समयमा डाक्टारले मृत्यू घोषणा गरेको जिल्ला प्रहरी कार्यालय मकवानपुरले जनाएको छ ।

