मकवानपुर । हेटौंडामा बुधबार बाघको आक्रमणबाट २ जना घाइते भएका छन् । बाघको आक्रमणबाट घाइते हुनेमा हेटौंडा-१५ बुद्धचोकका १७ बर्षीय सुमन घलान र ६५ बर्षीय कृष्णबहादुर थिङ रहेका छन् ।
हेटौडा १५ स्थित चुरियामाई सामुदायिक वनमा बाख्रा चराउन गएकोमा बाख्रालाई बाघले आक्रमण गरेपछि धपाउन खोजेका बेला उनीहरुलाई बाघले आक्रमण गरेको मवानपुर प्रहरीले जनाएकाे छ । घाइते घलान र थिङकाे हेटौंडा अस्पतालमा उपचार भईरहेको प्रहरीले जानकारी दिएकाे छ ।
बाघकाे आक्रमणबाट घलानकाे दाहिने कुम, ढाडकाे बायाँ, छातीमा चाेट लागेकाे अवस्था मध्यम रहेकाे तथा थिङकाे घाटीमा गहिरो लागेकाेले अवस्था गम्भिर रहेकाे बताइएकाे छ । थिङलाई थप उपचारका लागि भरतपुर पठाउने तयारी समेत भईरहेको जिल्ला प्रहरी कार्यालय मकवानपुरले जनाएको छ ।

