पुष्पा के.सी.भण्डारी
१.
आफ्ना कुरा आफ्नै व्यबहारले काटेपछि
जनतालाइ सिद्धन्तका कुरा गरि ढाँटेपछि
कालो चस्माले आँखा छोप्नु ठिकै त हो नि
आफ्नै बिचारहरुलाइ स्वार्थसंग साटेपछि!
२.
भन्थे उनिहरुले उ बेला हात मिलाएर बिहे गरे
बाजा बजेनन् रे उ बेला बात मिलाएर बिहे गरे
तर देख्दैछु आज उनिहरुले आफ्ना सन्तानको
सुनमा लादेर फेरो लिँदै जात मिलाएर बिहे गरे!
३.
एक हुल रङ्गिन सपना आँखामा बिसाउन मन छ
मनको बोझिलो भारी काखामा बिसाउन मन छ
बोक्नै नसक्ने भएछु अगणीत रहरहरुको भारी
इन्द्रेणी फुलबारीको पाखामा बिसाउन मन छ!
लामाचौर, पोखरा

