मकवानपुर । मकवानपुर प्रहरीले लागुऔषधसहित ३ जनालाई पक्राउ गरेको छ । पक्राउ पर्नेमा हेटौडा–१२ का २३ वर्षीय रोशन लामा, सोही ठाउँका २६ वर्षीय अनिल कुमार घलान र हेटौंडा–१३ का ३३ वर्षीय सुमन परियार रहेका छन् ।
मंगलबार दिउँसो ३ बजेको समयमा हेटौंडा–१० बसपार्क टीसीएन रोडस्थित लागुऔषधको कारोबार भएको छ भन्ने विशेष सुचनाको आधारमा प्रहरी चौकी बसपार्कबाट प्रहरी सहायक निरीक्षकको कमाण्डमा खटिएको प्रहरी टोलीले जाँच गर्दा रोशनको साथबाट लागुऔषध एनारगन ९ पत्ता (९० पिस ट्याब्लेट), ट्रमाडेक्स ३५ पत्ता (३ सय ५० पिस ट्याब्लेट) र अनिलको साथबाट लागुऔषध गाँजा १ सय ५० ग्राम फेला पारेको जिल्ला प्रहरी कार्यालयले जनाइएको छ ।
प्रहरीले उनीहरुसँगै रहेका सुमन परियारलाई पनि नियन्त्रणमा लिएको हो । तीनै जनालाई लागुऔषधसहित पक्राउ गरि थप अनुसन्धान भइरहेको प्रहरीले जनाएको छ ।

