मकवानपुर । मकवानपुर प्रहरीले हेटौंडाको सानोपोखराबाट लागुऔषध खैरो हिरोइन सहित ३ जनालाई पकाउ गरेको छ ।
जिल्ला प्रहरी कार्यालय मकवानपुरबाट खटिएको प्रहरी टोलीले हेटौँडा उपमहानगरपालिका वडा नंबर ५ सानोपोखराबाट १ ग्राम ४ सय ६० मिलिग्राम खैरो हिरोईन सहित उनीहरूलाई पक्राउ गरेको हो ।
पक्राउ पर्नेमा हेटौंडा–१४ मयुरधाप बस्ने २८ वर्षीय रोबिन श्रेष्ठ, हेटौंडा–११ थानाभर्याङ बस्ने २५ वर्षीय अनिष चौलागाईं र हेटौंडा–२ कान्तिराज पथ बस्ने २३ वर्षीय बिकाश कार्की रहेको जिल्ला प्रहरी कार्यालय मकवानपुरका प्रहरी नायव उपरीक्षक टेक बहादुर कार्कीले बताए ।
प्रहरीले सानोपोखरामा ना ४८ प ९००५ नम्बरको मोटरसाइललाई रोकी जाँच गर्दा १ ग्राम ४ सय ६० मिलि ग्राम खैरो हेरोईन र सानो डिजिटल तराजु १ थान सहित श्रेष्ठ, चौलागाईं र कार्कीलाई पक्राउ गरेको कार्कीले जानकारी दिए ।

