रन्जना पराजुली लम्साल
१.
बिश्वासले नाता जोडिए पनि
हिड्दा हिड्दै बाटो मोडिए पनि
नठान्नु धोका कहिले कसैले
गन्तव्य नपुगी छोडिए पनि ।
२.
गर्जदै मेघले ल्यायो यौटा बेमौसमी हुरी
बन्यो दुस्वप्नको रात जलायो प्रीतको धुरी
बुझ्नै नसकिने पार्यो चित्ररेखाहरु पुछी
निभायो दीप बालेर यो कस्तो हाय मज्बुरी ।
३.
बिदा गरिसकेपछि सम्झी सम्झी रुँदा
मनभित्र धैर्य राखी तस्बिरमा छुँदा
अझै माया लाग्ने प्रीय सम्झनाको ताल
पर्खाइका महिना झैँ दिन लामा हुँदा ।
४.
टाढाबाट झझल्कोले यतै आई घेरेजस्तो
प्राण मेरो तर सास उनले नै फेरेजस्तो
आभाषले हृदयमा दिन्छ मीठो अनुभुती
मन चोर्ने अाँखा भित्र लुकाएर हेरेजस्तो ।
इटहरी

