मकवानपुर । नेपाल श्रीलंकामा भएको साफ यू-१७ च्याम्पियनसिप फुटबलको उपविजेता भनेको छ । साफ यू-१७ च्याम्पियनसिप फुटबलको उपाधि भारतले जितेसंगै नेपालले उपबिजेतामा चित्त बुझाएको हो ।
कोलम्बोमा बुधबार भएको फाइनलमा नेपाललाई ४-० गोल अन्तरले हराउँदै भारत च्याम्पियन बनेको हो । यस जितसँगै भारतले लगातार दोस्रो पटक उपाधि जितेको छ । यस्तै भारतले नेपालविरुद्ध समूह चरणमा व्यहोरेको हारको बदला लिएको छ । नेपालले समूह चरणमा भारतलाई ३-१ गोल अन्तरले हराएको थियो ।
भारतलाई उपाधिको जित दिलाउन बोबी सिंह, भान्लाल्पेका गुइटे, कोरोउ सिंह र अमनले एक एक गोल गरे । कोलम्बोको रेस कोर्स ग्राउण्डमा भएको खेल ३९ मिनेटमा भारतका ड्यानीलाई फउल गरेपछि नेपालका कप्तान प्रशान्त लक्समले रातो कार्ड पाएसंगै नेपाल १० खेलाडीमा समेटिएको थियो ।
In: अन्तराष्ट्रिय खबर, खेलकुद, मुख्य खबर, राष्ट्रिय
Tags: No Comments

