मकवानपुर । जिल्ला प्रहरी कार्यालय मकवानपुर लागूऔषधसहित २ जनालाई आज बिहान पक्राउ गरेको छ ।
प्रहरीले हेटौंडा उपमहानगरपालिका वडा नम्वर १० आनन्द टोलबाट लागूऔषध खैरोहिरोईन ८ ग्राम २४० मिलिग्रामसहित २ जनालाई पक्राउ गरेको हो ।
जिप्रकाका अनुसार हेटौंडा–१० आनन्द टोलस्थित इन्दिरा प्रजापतिको घरभाडामा बस्दै आएको २५ वर्षीय समिर सिद्धिकी र निजको श्रीमती रिजु कुमारी दासलाई प्रकाउ गरिएको हो । सुराकीको आधारमा उनीहरू माथि खानतालसि गरेको र लागु औषध फेला परेपछि पक्राउ गरिएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
दम्पती पश्चिम भारत निवासी हुन् । उनीहरू माथि थप अनुसन्धान सुरू गरिएको कार्कीले बताए ।

