मकवानपुर । अंगारेश्वर टोलविकास संस्था हेटौंडा १७ ले टोल सरसफाई गरेको छ। टोलविकास संस्थाका अध्यक्ष श्री सिताराम वाइबाको नेतृत्वमा कठायत चोकबाट बालबोध माध्यमिक विद्यालयसम्म सफाई गरेको हो।
सरसफाईको क्रममा सडक किनारमा रहेका झाडी सफा गर्ने, फ्याँकिएका पोलिथिन झोला र प्लास्टिकजन्य पदार्थ संकलन तथा बाटोमा रहेको गिट्टी र बालुवा व्यवस्थापन गरिएको हो । कार्यक्रममा अध्यक्ष वाइबाले सरसफाई कार्यक्रमलाई निरन्तरता दिइ अंगारेश्वर टोललाई हेटौंडाको सफा टोलको चिनारी बनाउन लागि पर्ने बताए।
टोलविकासका ८५ जना सहभागी भएको सरसफाई कार्यक्रममा महिला सहभागिता बढाउन उपाध्यक्ष रमा खड्काले सक्रिय भूमिका निर्वाह गरेको संस्थाकी सचिव सन्तोषी खड्काले जानकारी दिईन् ।


