मकवानपुर । मकवानपुर जिल्लाकाे राक्सिराङ गाउँपालिकामा चट्याङ लागेर १ जनाकाे मृत्यु भएकाे छ । राक्सिराङ २ बरेटारमा १ महिलाको चट्याङ लागेर मृत्यु भएको मकवानपुर प्रहरीले जनाएकाे छ ।
मंगलबार साँझ घर नजिकै बारीमा गएकी राक्सिराङ २ बरेटार की ६२ बर्षीय कालिमाया स्याङतानकाे चट्याङकाे कारण ज्यान गएकाे हाे । स्याङ्तान सँगै अर्का एक ब्यक्तिलाई समेत चट्याङ लागेको प्रहरीले बताएकाे छ । उक्त ठाउँ विकट तथा मनहरीबाट जान टाढा भएकाेले प्रहरीलाई घटनास्थल पुग्न समस्या भएको बताइएकाे छ ।
घटनाको मुचुल्काको लागि बुधबार बिहान इलाका प्रहरी कार्यालय मनहरीबाट प्रहरी टोली घटनास्थल तर्फ गएको मकवानपुर प्रहरी प्रवक्ता डिएसपी टेक बहादुर कार्कीले बताए। मंगलबार साँझनै मृत्यु भएकाे स्याङ्तानकाे शव पोष्टमार्टमका लागि हेटौंडा अस्पताल ल्याउन पनि समस्या भएको प्रहरीले जानकारी दिएकाे छ ।

