मकवानपुर । मकवानपुरको हेटौंडा उपमहानगरपालिका वडा नम्बर १७ मा सवारी दुर्घटना हुदा एक जनाकाे मृत्यु भएकाे छ । हेटाैडा १७ हटिया कठायत चोकस्थित धरान चतरा सडकखण्डमा बोलेरोले माेटरसाइकललाई ठक्कर दिँदा एक जनाको मृत्यु भएको हाे ।
मृत्यु हुनेमा मोटरसाइकल चालक पर्सा बिरगंज महानगरपालिका–१ बस्ने ३१ वर्षीय धर्मेन्द्र राम थारु रहेका छन् । बोलेरोको ठक्करबाट गम्भिर घाईते भएका थारुको हेटौंडा अस्पताल उपचारको क्रममा राती १० बजे मृत्यु भएको मकवानपुर प्रहरीले बताएकाे छ ।
सोमबार राती ९ बजेर ३५ मिनेटको समयमा हेटाैडा १८ ठुलोदमारतर्फबाट हटियातर्फ आउँदै गरेको ना ५ च २९९ नम्बरको बोलेरोले सडक छेउमा रोकी राखेको बा ४४ प ३८०२ नम्बरको मोटरसाइकल र चालक थारुलाई ठक्कर दिएको जिल्ला प्रहरी कार्यालय मकवानपुरका प्रहरी नायव उपरीक्षक टेक बहादुर कार्कीले बताए । बाेलेराे चालक फरार रहेकाेमा खोजी कार्य भईरहेको प्रहरीले जानकारी दिएकाे छ ।

