मकवानपुर । नेपाल विद्युत प्राधिकरणको ३७ औं वार्षिकोत्सवमा हेटौडामा रक्तदान गरिएकाे छ । नेपाल विद्युत प्राधिकरण बागमती प्रदेश डिभिजन कार्यालय हेटौडाले विहीबार आयोजना गरेको रक्तदान कार्यक्रममा ५२ जनाले रक्तदान गरेका छन् ।
रक्तसञ्चार केन्द्र हेटौंडाको प्राविधिक सहयोगमा भएको रक्तदानमा ७ जना महिला र ४५ जना पुरुष गरी ५२ जनाले रक्तदान गरेका हुन् । रक्तदान कार्यक्रममा नेपाल विद्युत प्राधिकरण बागमती प्रदेशका डिभिजन प्रमुख दिपेन्द्रराज सुवेदी, प्रशासन प्रमुख रामचन्द्र पौडेल, रक्तदान कार्यक्रम उप–समितिका संयोजक प्रेमप्रसाद दुलाल, सहायक प्रशासकीय अधिकृत भरत भण्डारी, प्रशासन अधिकृत तारा विष्ट, प्राविधिक बिजय थिङ, रक्तसञ्चार केन्द्र हेटौंडाका प्राविधिक विष्णु रिमाल, किशोर सापकोटा लगायतकाको सहभागिता रहेको थियो ।
वार्षिकोत्सवको अवसरमा साउन १६ गतेदेखि २१ गतेसम्म ब्याटमिन्टन प्रतियोगिता भएको थियो । साउन ३१ गते सरसफाई तथा वृक्षारोपण कार्यक्रम गरिने छ । यस डिभिजन अन्तरगत ६ वटा वितरण केन्द्रहरु रहेका छन् ।

