मकवानपुर । मकवानपुरको हेटौंडामा ५ वटा सवारी आपसमा ठोक्किएका छन् ।
पूर्व-पश्चिम राजमार्ग अन्तर्गत मकवानपुरको हेटौंडामा रिलायन्स इङ्लिस बोर्डिङ स्कुल बस सहित ५ सवारी एक आपसमा ठाक्किदा दर्जन बढी घाईते भएका छन् ।
बिहान सढे नौ बजेको समयमा हेटौंडा-१५ को रातोमाटे वन नर्सरी नजिक ट्याङकर, ट्याङ्की, स्कुल बस र कार सवारी एक आपसमा ठोक्किएको जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले बताए । उनका अनुसार एक स्कुल बस, दुई ट्याङ्की, एक तेलको ट्याङ्क र एक कार ठोक्किएको हो।
उनका अनुसार ५ वटा सवारी ठोक्किदा १५ जना सामान्य घाईते भएका छन् । मानविय क्षती भएको छैन् । सबैलाई हेटौंडा अस्पताल ल्याईएको छ ।
घाइतेको एक्स रे गर्न बाकी रहेकोले अवस्था एकिन नभएको प्रहरीले जनाएको छ । रिलायन बसका चालक ६७ बर्षिय श्याम बहादुर स्याङ्तानको भने टाउकोमा चोट लागेको प्रहरीले जनाएको छ । अन्य घाइते हुनेमा चालक र विद्यार्थीहरू रहेका छन् । घटनाको बिस्तृत विवरण आउन बांकी छ ।

