मकवानपुर । नेपालमा थप ९ सय १२ जनामा कोरोना भाइरसको सङ्क्रमण पुष्टि भएको छ । पछिल्लो २४ घण्टामा पीसीआर र एन्टिजेन गरी ६ हजार ४ सय ९१ जनाको नमुना परीक्षण गर्दा ९ सय १२ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
मन्त्रालयका अनुसार साेही अवधिमा ३ सय ७० जना कोरोना सङ्क्रमित निको भएका छन् । पछिल्लो २४ घण्टामा कोरोना भाइरसको सङ्क्रमणका कारण १ जनाको ज्यान गएको छ । अहिले नेपालमा ४ हजार ७ सय ६० जना कोरोना भाइरसका सक्रिय सङ्क्रमित रहेका छन् ।

