मकवानपुर । निरन्तर बर्षापछि मकवानपुर-ललितपुर हुदै काठमाडौ पुग्ने छोटो मार्ग अवरुद्ध भएको छ ।
मकवानपुरको भिमफेदी सडक अवरुद्ध भएपछि विकल्पको रूपमा रहेको ललितपुरको चापागाउँ पुग्ने छोटो दुरीको मार्ग कान्तिलोकपथ पनि अवरुद्ध बनेपछि यात्रुलाई समस्या भएको छ । कान्तिलोकपथ अन्तर्गत मकवानपुरको बकैया-११ घट्टेपाखाका नजिक पहिरो जादा सडकखण्ड अवरुद्ध बनेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले बताएका छन्।
स्थानीय तह तथा लोकपथ आयोजनासँग समन्वय गरेर सडकखण्ड खुलाउने प्रयास भइरहेको प्रहरीले जनाएको छ । हेटौंडा काठमाडौको भिमफेदी सडक खण्ड हिजोदेखि अवरुद्ध छ ।

