मकवानपुर । नेपालमा बाघको संख्या ३ सय ५५ पुगेको छ ।
विश्व बाघ दिवसको अवसरमा राष्ट्रिय बाघ गणनाको नतिजा सार्वजनिक कार्यक्रममा शुक्रवार बाघको संख्या ३ सय ५५ पुगेको जानकारी गराइएको थियो। प्रधानमन्त्री शेर बहादुर देउवाले राष्ट्रिय बाघ गणनाको नतिजा सार्वजनिक गरेका हुन ।
पछिल्लो ४ वर्षमा १ सय २० बाघ थपिएको पाइएको छ । राष्ट्रिय निकुञ्ज तथा वन्यजन्तु संरक्षण विभागले मंसिर १९ देखि फागुन २८ सम्म बाघ गणना गरेको थियो ।२०१८ मा नेपालमा २ सय ३५ बाघ थिए ।
अहिले सबैभन्दा धेरै चितवन राष्ट्रिय निकुञ्जमा १ सय २८ बटा बाघ छन् भने बर्दिया राष्ट्रिय निकुञ्जमा १ सय २५ वटा छन् । पर्सा राष्ट्रिय निकुञ्जमा ४१, शुल्लाफाँटा राष्ट्रिय निकुञ्जमा ३६ र बाँके राष्ट्रिय निकुञ्जमा २५ वटा बाघ रहेको वन्यजन्तु विभागले जनाएको छ ।
बाघ गणनाका लागि अत्याधुनिक प्रविधि भएको क्यामरा ट्रयापिङ विधि प्रयोग गरिएको थियो । १ सय ५० वटा क्यामेराका साथै २ सय जनशक्ति र आवश्यकताअनुसार हात्ती पनि प्रयोग गरिएको थियो ।
In: मुख्य खबर, मौसम, राष्ट्रिय
Tags: No Comments

