चितवन । चितवनकाे रत्ननगर नगरपालिकामा ट्रकको ठक्करबाट १ जना साइकल यात्रीको मृत्यु भएको छ। शनिबार बिहान रत्ननगर-९ गणेश चोकनजिकै टाँडीबाट भरतपुरतर्फ जाँदै गरेको ना ४ ख २७४८ नम्बरको ट्रकले साइकल यात्रीलाई ठक्कर दिँदा उनको मृत्यु भएकाे चितवन प्रहरीले जनाएको छ।
ट्रकले साइकल यात्री रत्ननगर-१० का ३७ वर्षीया उमेश दराईलाई ठक्कर दिदाँ गम्भीर घाइते भएकाेमा उपचारका क्रममा भरतपुर अस्पतालमा मृत्यु भएको प्रहरीले जनाएको छ। ट्रक र ट्रक चालक मकवानपुर जिल्ला हेटौँडा उप-महानगरपालिका वडा नम्बर १४ का ४५ वर्षीया धावा थोकर चितवन प्रहरीको नियन्त्रणमा छ।
आफन्तको मृत्यु भएपछि स्थानीयले पूर्व-पश्चिम राजमार्गमा पर्ने उक्त सडक अवरोध गर्ने प्रयाससमेत गरेका थिए। प्रहरी टोलीले राजमार्ग अवराेध हुनबाट राेके पछी यातायात सामान्य अवस्थामा सञ्चालन भइरहेको चितवनका प्रहरी प्रवक्ता नरहरि अधिकारीले जानकारी दिए।

