मकवानपुर । मकवानपुरको थाहा नगरपालिका वडा नम्बर ७ को पुन: मतगणना भएको छ ।
मतगणनापछि थाहा ७ को मतपरिणाममा विवाद भएसंगै पुन: मत गणना सुरु गरिएको थाहा नगरपालिका निर्वाचन अधिकृतको कार्यालयले जानकारी दिएको छ । थाहा ७ मा मत परिणाम अनुसार नेपाल कम्युनिष्ट पार्टी (माओवादी केन्द्र)का उम्मेदवार बिनायक गोलेले १० मत बढि प्राप्त गरेपछि नेपाली काँग्रेसका उम्मेदवार शिवराज थिङले वडा अध्यक्ष पदको पुन: मतगणना गर्न निवेदन दिएका थिए ।
‘१० मतमा विवाद भएकोका अव अध्यक्ष पदमा मात्र पुन: मत गणना सुरु भएको छ,’ निर्वाचन अधिकृत तिर्थराज भट्टराईले भने ।

