मकवानपुर । मकवानपुरको भीमफेदी गाउँपालिकाकाे वडा अध्यक्षमा गठवन्धनका तर्फबाट नेपाली कांग्रेसका उम्मेदवार विजयी भएका छन् । गाउँपालिका वडा नंबर १ मा पाँच दलीय गठवन्धनको तर्फबाट नेपाली कांग्रेसका वडाध्यक्षका उम्मेदवार सोमबहादुर स्याङतान विजयी भएका छन् ।
१ नम्बर वडाकाे मत गणना सम्पन्न पछीकाे मत परिणाम अनुसार कांग्रेसका वडाध्यक्ष उम्मेद्वार स्याङतानले ९ सय १० मत प्राप्त गरी विजयी हुँदा उनका प्रतिस्पर्धी एमालेकी पञ्चमाया स्याङतानले ६ सय ५५ प्राप्त गरेकी छिन् । वडा नंबर १ मा १ हजार ६ सय ४१ मत खसेको थियो । ७२ मत बदर भएको बताइएकाे छ ।

