मकवानपुर । नेकपा एकीकृत समाजवादी मकवानपुरको अध्यक्षमा सुर्यचन्द्र न्याैपाने चयन भएका छन् । नेकपा (एस) पार्टी गठन पछी मकवानपुर अध्यक्ष भएका श्रीधर पोखरेलले बुधबार पत्रकार सम्मेलन गरी राजिनामा दिएपछि अध्यक्षमा न्यौपाने चयन भएका हुन् ।
नेकपा एसबाट सुन्दर राजनीतिको सपना बुँनेको तर पार्टी सत्तामा पुगेपछि अबसरबाद, ब्यक्तिबाद हाबी भएको भन्दै बुधवार अध्यक्ष पदबाट पोखरेलले राजीनामा दिएका थिए । उनको राजिनामा पश्चात बसेको सचिवालय बैठकले पार्टी केन्द्रीय सदस्य एवम् मकवानपुर सह-इन्चार्ज न्यौपानेलाई अध्यक्ष चयन गरेको हाे ।
न्यौपानेलाई बैशाख ३० मा हुने स्थानीय तह निर्वाचनसम्मका लागि अध्यक्षको जिम्मेवारी दिइएको एकिकृत समाजवादी पार्टी सचिवालय मकवानपुरले जनाएको छ ।

