मकवानपुर । ज्ञानेन्द्र शाही राष्ट्रिय प्रजातन्त्र पार्टी (राप्रपा) प्रवेश गरेका छन् । शुक्रबार राप्रपा केन्द्रीय कार्यालय, धुम्बाराहीमा आयोजित कार्यक्रममा सामाजिक अभियन्ता भनेर चिनिएका शाही पार्टी प्रवेश गरेका हुन् । यससँगै शाहीले नेतृत्व गरेको ‘हाम्रो नेपाल हामी नेपाली अभियान’ राप्रपामा समाहित भएको छ ।
उनलाई राप्रपाका अध्यक्ष राजेन्द्र लिङदेनले झण्डा दिएर पार्टीमा स्वागत गरेका थिए । पार्टी प्रवेश भएसँगै शाहीलाई राप्रपाको प्रवक्ताको जिम्मेवारी दिईएको छ । योसँगै राप्रपामा ५ जना प्रवक्ता भएका छन् । राप्रपाका प्रवक्ता मोहन श्रेष्ठले समान विचार भएका व्यक्ति, समूह र दलसँग एकता, मोर्चा वा सहकार्य गर्ने पार्टीको नीति रहेकोले शाहीलाई पार्टीमा ल्याइएको बताए ।

