मकवानपुर । जिल्ला बक्सिङ संघ मकवानपुरलाई म्याट सहयोग गरिएको छ । हेटौंडा उपमहानगरपालिका कार्यालय, १४ नम्बर वडा अध्यक्ष दीपक खड्का र बक्सिङ खेलका पूर्व प्रशिक्षक ध्रुवलाल श्रेष्ठले संघलाई करिब १ लाख ५० हजार रुपैयाँ बराबरको ६८ वटा म्याट सहयोग गरेका छन् ।
आइतबार हेटौंडा–४ स्थित कभर्डहलमा बक्सिङ संघका अध्यक्ष दिपेश जोशीलाई १४ नम्बार वडा अध्यक्ष खड्काले म्याट हस्तान्तरण गरेका हुन् । वडाध्यक्ष खड्काले ८० हजार रुपैयाँको ३६ वटा म्याट सहयोग गरेका हुन् । यसैगरी पुर्व प्रशिक्षक श्रेष्ठले ४० हजार रुपैयाँको २० वटा म्याट सहयाेग गरेका हुन भने र हेटौंडा उपमहानगरपालिकाले ३० हजार रुपैयाँको १२ वटा म्याट सहयोग गरेको हो ।
म्याट हस्तान्तरण कार्यक्रममा मकवानपुर जिल्ला खेलकुद विकास समितिका कार्यालय प्रमुख खुशराज दाहाल, जिल्ला बक्सिङ संघका द्वितीय उपाध्यक्ष सुशील घिमिरे, सचिव भाजु श्रेष्ठ, युनिक बक्सिङ क्बलका अध्यक्ष गोकुल मोक्तान, प्रशिक्षक लालबहादुर पौडेल लगायतको उपस्थिति रहेको थियो ।

