मकवानपुर । हेटाैडामा भएकाे सवारी दुर्घटनामा १ जनाकाे मृत्यु भएकाे छ । पूर्वपश्चिम राजमार्ग अन्तरगत हेटौंडा ९ पशुपतिनगरमा सवारी दुर्घटना हुँदा हेटाैडा १ चाइनाक्वाटरका अर्जुनप्रसाद घिमिरेकाे मृत्यु भएको हाे ।
जिल्ला प्रहरी कार्यालय मकवानपुरका प्रहरी निरिक्षक देवेन्द्र दासका अनुसार सोमबार दिउँसो वीरगंजबाट हेटौंडातर्फ आउँदै गरेको ग १ ख ६१७० नम्वरको बसले विपरित दिशातर्फ जाँदै गरेको बागमती प्रदेश ०३–००२ प ९३६२ नम्बरको मोटरसाइकललाई ठक्कर दिँदा दुर्घटना भएको थियाे ।
दुर्घटनामा परी गम्भीर घाइते भएका घिमिरेकाे हेटौंँडा अस्पतालमा ल्याइएकोमा उपचारको क्रममा मृत्यु भएको हेटौंडा अस्पतालले जनाएको छ । ठक्कर दिने बसको चालक फरार रहेका छन् । प्रहरीले घटनाबारे थप अनुसन्धान गरिरहेको जनाएको छ ।

