मकवानपुर । नेकपा एमाले प्रचार प्रसार विभाग प्रमुख योगेश भट्टराई मकवानपुरको मनहरीमा आउने भएका छन । बिहीबार नेकपा एमाले मनहरी गाउँ कमिटीको सपथ ग्रहणको लागि भट्टराई बुधबार नै मनहरीमा आउने कार्यक्रम तय भएको हो ।
एमालेको १० औं राष्ट्रिय महाधिवेशनको पूर्वसन्ध्यामा बुधबार चितवनमा आयोजना हुने पत्रकार सम्मेलन सकाएर भट्टराई मनहरी आउने एमाले मनहरी गाउँपालिका अध्यक्ष नविन सुवेदीले जानकारी दिए । एमाले मनहरीमा सुवेदीको अध्यक्षतामा ७५ सदस्यीय कमिटी चयन भएको थियो ।

