मकवानपुर । राष्ट्रिय युवा संघ हेटौंडा उपमहनगरपालिका वडा नं. ८ को अध्यक्षमा विशाल थापा चयन भएका छन् । नेकपा एमालेको भातृ संगठन राष्ट्रिय युवा संघ नेपाल हेटौंडा ८ नं. वडामा शनिबार भएकाे भलाले थापालाई अध्यक्षमा सर्वसम्मत चयन गरेको हो ।
भेलाले थापाको अध्यक्षतामा ५५ सदस्यीय कमिटी गठन गरेको छ । भेलाबाट उपाध्यक्षमा उमेश तामाङ र रामराज सुवेदी, सचिवमा कृष्ण केसी, सह–सचिवमा शिव चौहान, कोषाध्यक्षमा सुजिता केसीलाई चयन गरेको छ ।
युवा संघ हेटौंडा–८ वडा कमिटीका अधिवेशन आयोजक कमिटीका संयोजक विशाल थापाको सभाध्यतामा भएको कार्यक्रममा नेकपा एमाले मकवानपुर कमिटीका सचिव एकालाल श्रेष्ठ, भिमफेदी गाउँपालिकाका अध्यक्ष हिदम लामा, हेटौंडा–८ का वडाध्यक्ष गोपाल श्रेष्ठ लगायतको आतिथ्यता रहेको थियो ।

