मकवानपुर । बागमती प्रदेशसभाको आठौँ अधिवेशन अन्त्य भएको छ । प्रदेश मन्त्रिपरिषद्को सिफारिसमा नेपालको संविधानको धारा १८३ को उपधारा २ अनुसार शुक्रबार राती ११ बजेबाट प्रदेश प्रमुख यादवचन्द्र शर्माले प्रदेशसभाको बर्षे अधिवेशन अन्त्य गरेका हुन् ।
मुख्यमन्त्री अष्टलक्ष्मी शाक्यको अध्यक्षतामा शुक्रबार विहान बसेको मन्त्रिपरिषद् बैठकले चालू प्रदेशसभाको बैठक अन्त्य गर्न सिफारिस गरेकाेले प्रदेश प्रमुखले प्रदेशसभा बैठक आजै अन्त्य गरेको प्रदेश प्रमुख सचिवालयले जनाएको छ ।
तत्कालीन डोरमणि पौडेल नेतृत्वको प्रदेश सरकारले प्रदेशसभाको चालू बैठक गत जेठ १६ गतेबाट सञ्चालन भएको थियो । बर्षे अधिवेशनमा नेकपा एमालेले पार्टी एकताका लागि सन्देश दिनेभन्दै नीति तथा कार्यक्रम र बजेट पास सहमित पास गरेको थियो ।

