मकवानपुर /माईती नेपाल रोकथाम गृह मकवानपुरले किशोरीहरूलाई जीवन उपयोगी तालिम प्रदान गरेको छ ।
मकवानपुरको विभिन्न गाउँपालिकाका १७ जना किशोरीहरूलाई माइती नेपाल मकवानपुरले ४ महिने आवासीय सिपयुक्त तालिमपछी ५ दिने जीवन उपयोगी सिपबारे प्रशिक्षण गराएको हो । तालिममा प्रशिक्षक बच्चुराम बस्नेतले किशोरीहरूलाई निर्णयको सीप, सोचाइ सीप, सिर्जनात्मक सीप, समालोचनात्मक सीप, किशोरी प्रजनन प्रणाली तथा स्वास्थ प्रणाली, आत्माबल बढाउने सीप जस्ता बिषयमा प्रशिक्षण गराएका थिए ।
तालिमको समापन कार्यक्रममा माइती नेपाल केन्द्रिय कार्यालयका कार्यक्रम प्रबन्धक रामशरण पौडेल, अवलोकन तथा मुल्यांकन अधिकृत रविन्द्र सापकोटा, माइती नेपाल मकवानपुर कार्यक्रम संयोजक माया लामा, फिल्ड सुपरभाइजर मन लामा, व्यवसायीक प्रशिक्षक सरिता लामालगायतको उपस्थिती रहेको थियो ।
तालिम बोनो र चान्स स्वीसको आर्थिक सहयोग तथा माइती नेपाल मकवानपुरको आयोजनामा भएको थियो ।
In: स्थानीय खबर/समाज, स्वास्थ्य
Tags: No Comments

