मकवानपुर । नेपालमा थप ४ हजार ३ सय ४८ जना कोरोना संक्रमित निको भएका छन् । पछिल्लो २४ घण्टामा उनीहरु देशका विभिन्न हाेम अाइसाेलेसन, संस्थागत अाइसाेलेसन र अस्पतालबाट निको भएर डिस्चार्ज भएका स्वास्थ्य तथा जनसंख्या मन्त्रालयले जनाएकाे छ ।
यस्तै साेही समयमा २ हजार ६ सय ३६ जनामा कोरोना भाइरसको संक्रमण पुष्टि भएको छ। मन्त्रालयका अनुसार देशका विभिन्न प्रयोगशालामा गरिएको ७ हजार २ सय ५९ जनाको पीसीआर परीक्षणबाट १ हजार ७ सय २८ र ४ हजार ४ सय ८९ जनामा गरिएको एन्टिजेन परीक्षणमा ९ सय ८ जना गरी जम्मा २ हजार ६ सय ३६ जनामा संक्रमण पुष्टि भएको हो।
पछिल्लो २४ घण्टामा थप २० जना कोरोना संक्रमितको मृत्यु भएको छ। हाल देशमा सक्रिय संक्रमितको संख्या ३५ हजार ३ सय १० जना रहेको छ ।

