मकवानपुर । जनरल इन्स्योरेन्स कम्पनीको आईपीओले सर्वसाधारणमा बिक्री गरेको आइपीओ बाँडफाँड शेयर निष्काशन तथा बिक्री प्रबन्धक एनआईबिएल एस क्यापिटलको कार्यालयमा आज भएको छ ।
कम्पनीको शेयरमा आवेदन गर्ने २ लाख ७३ हजार जना आवेदकले शेयर निष्काशन तथा बाँडफाँड नियमावली अनुसार गोलाप्रथाबाट १० कित्ता शेयर हात परेका छन्। बाँडफाँडमा ५ लाख २१ हजार ५४६ जना आवेदकको हात खालि भएको छ। इन्स्योरेन्सको आइपीओमा कुल ७ लाख ९६ हजार ७३४ जना आवेदकबाट २ करोड १४ लाख ५९ हजार ३७० कित्ता आइपीओ खरिदको लागि आवेदन परेकोमा २ हजार १८८ जना आवेदकबाट परेको ४८ हजार ६४० कित्ता शेयरको आवेदन रद्द भएको क्यापिटलले जनाएकाे छ।

कम्पनीले असोज ११ गतेदेखि १४ गतेसम्म एक सय रुपैयाँ अंकित दरका ३० करोड रुपैयाँ बराबरको ३० लाख कित्ता आईपीओ निष्काशन गरेको थियो। कम्पनीले निष्काशन गरेको कुल शेयरमध्ये १ लाख २० हजार कित्ता संस्थाका कर्मचारी र १ लाख ५० हजार कित्ता म्युचुअल फण्डहरुका लागि छुटयाइएको थियो। सर्वसाधारणले बाँकी २७ लाख ३० हजार कित्ता शेयरका लागि आवेदन दिएका थिए।
मकवानपुर । जनरल इन्स्योरेन्स कम्पनीको आईपीओ आउँदाे मंगलबार बाँडफाँड हुने कम्पनी शेयर निष्काशन तथा बिक्री प्रबन्धक एनआईबिएल एस क्यापिटलले जानकारी दिएकाे छ ।
शेयर निष्काशन तथा बिक्री प्रबन्धक एनआईबिएल एस क्यापिटलका अनुसार असाेज २० गते मंगलबार बिहान १०ः३० बजे जनरल इन्स्योरेन्स कम्पनीको आईपीओ बाँडफाँड हुने छ। आइताबार साँझ प्रिअलटमेन्टको सम्पूर्ण काम सकिसकेको एनआईबिएल एस क्यापिटल जनाएकाे छ।
कम्पनीले असोज ११ गतेदेखि १४ गतेसम्म एक सय रुपैयाँ अंकित दरका ३० करोड रुपैयाँ बराबरको ३० लाख कित्ता आईपीओ निष्काशन गरेको थियो। कम्पनीले निष्काशन गरेको कुल शेयरमध्ये संस्थाका कर्मचारी र म्युचुअल फण्डहरुका लागि छुटयाएर सर्वसाधारणलाइ २७ लाख ३० हजार कित्ता शेयरका लागि आवेदन खुला गरेकाे थियाे।

कम्पनीको आईपीओ करिब ८ गुणा बढी आवेदन परेको छ। शेयर निष्काशन तथा बाँडफाँड नियमावली अनुसार न्यूनतम १० कित्ताको दरले शेयर वितरण गर्दा २ लाख ७३ हजार जनाले मात्रै शेयर पाउनेछन् भने बाँकि आवेदकको हात खालि हुनेछ। हाल कम्पनीको चुक्ता पूँजी ७० करोड रुपैयाँ छ। आइपीओ निष्काशन पश्चात कम्पनीको चुक्ता पूँजी एक अर्ब रुपैयाँ पुग्नेछ।
मकवानपुर । वाणिज्य बैंकहरुले ग्राहकरुलाई आर्कषण गराउन विभिन्न योजनाहरु ल्याउने गरेका छन् । यसै मध्यकाे याेजना बैंकले ग्राहकहरुलाई बचत खाता खोल्दैमा बीमा सुविधा दिने गरेका छन् । बैंकले ग्राहकहरुलाई एटीएम कार्ड,मोवाइल/अनलाइन बैंकिङ्गको शुल्क, कर्जाको ब्याजदरमा छुट, उच्च व्याजदर, निशुल्क डिम्याट तथा मेरो शेयर खाता समेत खोल्न सकिने सुविधा दिइरहेका छन् । त्यसमध्येको आकर्षक योजना भनेको बीमा सुविधा रहेको छ ।
बचतकर्ताले बैंकमा खाता खोल्दैमा घातक रोगको उपचार खर्च, दुर्घटना बीमा,मेडिकल बीमा र म्यादी जीवन बीमाको समेत सुविधा दिइरहेका छन् । केहि समय अघि बैंकहरुले निशुल्क बीमा भन्दै बचत खाताको योजना सार्वजनिक गरेका थिए। तर बीमा समितिले बीमा निशुल्क नहुने भन्दै आपत्ति जनाएपछि बैंकहरुले निशुल्क भन्ने शब्द हटाएर बीमाको सुविधा सहितको बचत खाता सञ्चालन गरिरहेका छन् । बैंकहरुमा बचत खाता खाेल्दैमा जाखिम समेत बहन हुने भएपछि सर्वसाधारणहरु समेत त्यस्ता योजना तर्फ आकर्षित हुन थालेका छन् ।
कुन बैंकमा खाता खोल्दा कति/कस्ताे बीमा सुविधा ?
बाणिज्य बैंकहरुले खचतकर्ताहरुलाई अधिकतम २६ लाख सम्मको बीमा सुविधा दिइरहेको पाएको छ । जीवन तथा निर्जीवन बीमा कम्पनीहरुसंगको सहकार्यमा बैंकहरुले उक्त सूविधा दिइरहेका छन् ।
वणिज्य बैंकहरुले उनीहरुको वेवसाइमा राखिएको सूचना आधारमा सबै भन्दा धेरै कुमारी बैंकले २६ लाख रुपैयाँ सम्ममो बीमा सुविधा दिने गरेको पाइएको छ । कुमारीले सुरक्षा बचत खातामा सो बराबरको बीमा सुविधा दिन जनाएको हो ।
यस्तै दोस्रोमा एनआईशि एशिया बैंकले आफ्नो बचत कर्ताहरुलाई २१ लाख रुपैयाँ बराबरको बीमा सुविधा दिईरहेको छ । एनआईसी एशियाले बचत कर्तालाई दुर्घटना बीमा वापत १० लाख रुपैयाँ, घातक रोगको लागि १० लाख र मेडिकल बीमा वापत १ लाख रुपैयाँ बराबरको बीमा सुविधा दिईरहेको छ ।
सिद्धार्थ बैंकले पनि बचतकर्तालाई १४ लाख रुपैयाँ सम्मको बीमा सुविधा दिइरहेका छन् । सिद्धार्थले मेडिकल इन्स्योरेन्स, दुर्घटना बीमा र १८ घातक रोग विरुद्ध बीमाको लागि सो बराबरको रकम बचतकर्तालाई दिनेछ ।
सानिमा बैंकले ५० हजार रुपैयाँको मेडिकल बीमा, १० लाख रुपैयाँ बराबरको दुर्घटना बीमा, ३ लाख रुपैयाँ बराबरको घातक रोगको बीमा र २५ हजार रुपैयाँ म्यादी जीवन बीमा गरी कुल १३ लाख ७५ हजार रुपैयाँको बीमा सुविधा दिइरहेको छ ।
यसैगरी सनराइज बैंकले बचत कर्ताको ५ लाख रुपैयाँको घातक रोगको बीमा र १ लाख रुपैयाँको मेडिकल बीमा सुविधा दिइरहेको छ । मेडिकल बीमाको रकममा २० हजार सम्म ओपीडी खर्च र ८० हजार रुपैयाँ सम्म हस्पिटल भर्ना भएमा उपचार खर्च पाउनेछन् ।
नविल बैंकले पनि बचत कर्तालाई म्यादी जीवन बीमा सहितको बीमा सुविधा दिईरहेको छ । बैंकले ७५ हजार रुपैयाँ बराबरको म्यादी जीवन बीमा,३ लाख रुपैयाँ बराबरको घातक रोगको बीमा गरी ३ लाख ७५ हजार रुपैयाँको सुविधा दिइरहेको छ ।
एनएमबी बैंकले घातक रोग विरुद्ध र दुर्घटना बीमा वापत १० लाख रुपैयाँ, एभेरष्ट बैंकले मेडिकल बीमामा १ लाख र दुर्घटना बीमा बापत ५ लाख गरी ६ लाख रुपैयाँ, हिमालयन बैंकले दर्घटना बीमा वापत ५ लाख, सिभिल बैंकले ५ लाख रुपैयाँको दुर्घटना बीमा र ५० हजारको मेडिकल बीमा सेवा दिनेछ । एनसीसी बैंकले पनि बचतकर्तालाई १० हजार रुपैयाँ बराबरको मेडिकल बीमा सुविधा दिइरहेको छ ।
मकवानपुर । मेगा बैंक नेपाल लिमिटेडले व्यावसायिक किसानहरुलाई प्राथमिकतामा राख्दै आज शुक्रबारबाट ‘मेगा किसान कार्ड’ सहितको ‘मेगा स्मार्ट कृषि’ सेवा सुरु गरेको छ ।
मेगा बैंककी प्रमुख कार्यकारी अधिकृत अनुपमा खुञ्जेलीले शुक्रबार केन्द्रीय कार्यालयमा सुर्यविनायक शाखाका किसान ग्राहकलाई पहिलो कार्ड हस्तान्तरण गरेर ‘मेगा किसान कार्ड’ सहितको ‘मेगा स्मार्ट कृषि’ सेवाको शुभारम्भ गरिन्।
स्थापनाकालदेखि नै ‘हलोदेखि हाइड्रोसम्म’लाई मुलमन्त्र बनाएको मेगा बैंकले व्यावसायिक किसानहरुको समयानुकुल आवश्यकतालाई हेरी ‘मेगा किसान कार्ड’ सुविधा ल्याएको हो । किसानहरुलाई सहज रुपमा बैंकिङ सुविधा प्रदान गर्दै देशलाई कृषिमा आत्मनिर्भर बनाउने सरकारको नीतिलाई सहयोग गर्ने उद्देश्यले ‘मेगा किसान कार्ड’ ल्याएको मेगा बैंकले जनाएको छ ।
‘यो कृषि क्षेत्रमा नेपालकै नवीनतम् बैंकिङ सुविधा हो,’ मेगा बैंककी सिइओ खुञ्जेलीले भने– ‘मेगा किसान कार्डमार्फत किसानहरुले आफूलाई आवश्यक पर्ने मलखाद, बिउ विजन, लगायत सम्पूर्ण कृषि उत्पादनसँग सम्बन्धित विभिन्न सामानहरु तोकिएका कृषि सेवा केन्द्रहरुबाट खरिद गर्न सक्नेछन् । यस कार्डको माध्यमबाट वास्तविक किसानको पहिचान गर्न पनि मद्दत मिल्ने विश्वास पनि लिएका छौं ।’
व्यावसायिक कृषि तथा पशुपालन र महिला उद्यमीलाई यसअघि देखि नै प्राथमिकता दिंदै आएकोे मेगा बैंकले कृषि क्षेत्रको वित्तीय आवश्यकतालाई सम्बोधन गर्दै किसानहरुको कृषि उत्पादकत्व वृद्धि गर्ने उद्देश्य लिएको छ । जसअनुसार यस अभियानलाई प्रभावकारी बनाउन मेगा बैंक र आर एण्ड डी ईनोभेटिभ सोलुसनसँग सम्झौता समेत भइसकेको छ ।
किसानहरुको प्रबर्धन गर्दै प्राविधिक सहायता समेत गर्दै आएको आर एण्ड डीसँगको सम्झौतापछि व्यावसायिक किसानहरुलाई अनुदान ऋण लिन थप सहज मिल्ने मेगा बैंकको विश्वास छ ।
मकवानपुर । नेपाल आयल निगमले डिजेल र मट्टीतेलको मूल्य घटाएको छ ।
इन्डियन आयल कर्पोरेसनबाट बिहीबार प्राप्त खरिद मूल्यअनुसार निगमको बैठकले डिजेल, मट्टीतेलको साविकको खुद्रा बिक्री मूल्यमा प्रतिलिटर १ रुपैयाँ घटाउने निर्णय गरेको हो । नयाँ मूल्यअनुसार डिजेल, मटितेल प्रतिलिटर ८९ रुपैयाँ निर्धारण भएको छ । घटेको मूल्य विहीबार राति १२ बजेदेखि लागू हुने निगमले जनाएको छ ।
पेट्रोल, हवाई इन्धन र एलपी ग्यासको मूल्य भने यथावत् राखिएको छ । इन्डियन कर्पोरेसनबाट पेट्रोल, हवाई इन्धन र एलपी ग्यासको खरिद मूल्यमा केही बढेर आए पनि निगमले हाललाई यथावत् राखेको प्रवक्ता विनितमणि उपाध्यायले विज्ञप्ति मार्फत जनाएका छन् ।