मकवानपुर । पध्मप्रसाद – कृष्णाकुमारी दाहाल सामाजिक सम्मान – २०८० बिराट साहित्य संगमला२ प्रदान गरिने भएकाे छ । दाहाल प्रतिष्ठान अन्तर्गत स्थापित पध्मप्रसाद – कृष्णाकुमारी दाहाल स्मृतिकोषबाट प्रदान गरिने उक्त सम्मान यस बिराट साहित्य संगम, विराटनगरलाई प्रदान गरिने प्रतिष्ठानले विज्ञप्ति प्रकाशित गरी जनाएकाे छ ।
विगत दुई दशकदेखि निरन्तर रूपमा साहित्यिक गतिविधिलाई निरन्तता दिइरहेको विराट साहित्य संगमले सयौं लेखक कविहरुलाई दिक्षित तुल्याएको छ । राष्ट्रिय अन्तराष्ट्रिय स्तरका साहित्यिक संगोष्ठीको आयोजना गरी नेपाली वाङमयलाई अन्तराष्ट्रिय स्तरमा परिचित गराएको तथा साहित्यिक मासिक पत्रिकाको नियमित प्रकाशन गर्दै आइरहेकोले संस्थालाई प्रोत्साहन गर्न सम्मान प्रदान गरिने भएको महासचिव सूर्यकुमार दाहालद्वारा जारी विज्ञप्तिमा छ ।
बिराटनगर निवासी बद्रीप्रसाद पहाडीले आफ्ना मातापिताको स्मृतिमा दश लाख रुपैयाको स्थापना गरेकाे अक्षयकोषबाट प्राप्त हुने ब्याज रकमबाट उक्त सम्मान प्रदान गर्ने निर्णय भएयकाे कोष संचालक समितिले जानकारी दिएकाे छ । गत बर्षबाट प्रदान गर्न थालिएकाे उक्त सम्मानबाट पाणिनी संस्कृत बिद्यालय विराटनगर सम्मानित भइसकेको दाहालले बताए । दाहालका अनुसार केही स्रष्टाहरु पनि पुरस्कृत एवं सम्मानित भएका थिए ।
मकवानपुर । साहित्य सङ्गम मकवानपुरको ३ सय ३९ औ साहित्य सन्ध्यामा मकवानपुरका दिवगंत साहित्याकार खेम बानियाँ स्मृति विशेष भएको छ । साहित्य सर्जकहरुकाे रचना वाचनका साथै साहित्य र जीवन बिषयक अन्तर सम्वाद समेत आयाेजना गरिएकाे छ ।
साहित्य सङ्गमका पूर्व कार्यसमिति सदस्य बानियाँको स्मृति कार्यक्रम गर्दै सुरु गरिएकाे सन्ध्यामा सर्जक सञ्जाल मकवानपुरका संयोजक निमेष निखिलले मकवानपुरमा सुत्र भित्र्याउने बाँनिया भएकाे बताए । नेपालमा ध्रुवचन्द्र गौतमले सूत्र कथाको सुरूवात गरे भने मकवानपुरमा सूत्रकथा भित्र्याउँदै पत्रकारिता,खेलकूद, लेखन, राजनीति बहुविधामा बानियाँ सक्रिय रहेको बताए । मकवानपुरका पहिलो गजल सर्जकका रूपमा समेत बानियाँ भएकाे बताउँदै उनकाे अल्पायु मै भएकाे स्वार्गाराेहणले मकवानपुरसहित समग्र साहित्यमा अपूरणीय क्षति भएको बताए ।
शनिबारकाे नियमित सन्ध्यामा बाल साहित्यकार अनुषुया खनाल, किशन पौडेल (लघुकथा), एस के निधन (सूत्रकथा ), स्वस्तिका बानियाँ, हरि पौड्याल, केशव समर्पण र जुम्लेली स्रष्ट्रा राजबहादुर बुढाले गजल सुनाएका थिए । यसैगरी स्वस्तिका दाहाल, राजकुमार चौधरी, रामहरि चौलागाईं, बैकुण्ट लामिछाने, सुवास सजल, राजकुमार लामिछाने, छवि अनित्य, मसान उपासकलगायतले कविता वाचन गरेका थिए ।
सन्ध्याकाे अर्काे सत्रमा साहित्य र जीवन बिषयक अन्तर सम्वादमा साहित्यसेवी मुक्तिगोविन्द वैद्य र उमा मैनालीको सहभागिता रहेको थियो । सङ्गमका उपाध्यक्ष सानु खनालले सहजीकरण गर्नु भएको बहसमा वैद्यले गजल मञ्च मकवानपुरद्वारा हरेक महिना हुने गजल वाचन कार्यक्रममा गजलश्री घोषणा हुने कार्यक्रम नै पहिलो पटक आफूले सुनेको साहित्यिक कार्यक्रम भएको बताए । उक्त कार्यक्रममा गजलश्री घाेषणा गर्ने तर सम्मान स्वरुप प्रमाणपत्र समेत नदिएकाे भन्ने सुनेपछि सहयोग गरेर कार्यक्रमको निरन्तरतामा सहयाेग गरेका उनले बताए । साहित्य सङ्गम, मातृभूमि साहित्यिक समाज, गजल मञ्च, मुक्तक मञ्च, नवसर्जक साहित्य चौतारीसम्म पनि सहयोगदेखि जेसीस कर्ममा रहँदा मलंगवामा विद्यालय सञ्चालनसम्मका कार्यमा जोडिन पाएकोमा जीवन सफल भएको बताए ।
अन्तर सम्वादमा मैनालीले ध्रुवचन्द्र गौतमको अलिखितदेखि नयनराज पाण्डेको लूसम्म समाजकै कुरा आएको बताउँदै पछिल्लो समय डा. नवराज केसीको शुन्यको मूल्यसम्म आइपुग्दा आफूले विभिन्न कालखण्डका अनेकन समाज पढ्न पाएको बताए । उनले पढेका सयौं पुस्तकमध्ये राजेश्वर देवकोटाको उत्सर्ग प्रेमजस्ता पुस्तकहरू बुझ्न नसकेकोले बुझ्ने पुस्तक मात्रै पढ्ने गरेका बताइन् । पहिले काठमाडाैबाट पुस्तक मगाएर पढ्नुपर्ने बाध्यता रहेकोमा अहिले हेटौंडामै प्रकाशन हुने वित्तिकै उपलब्ध हुने हुँदा साहित्यमा रुची राख्ने र पठन संस्कृतिमा रमाउने पाठकलाई सहज भएको बताइन् ।
साहित्य र जीवनबीचको सम्बन्धबारे आनन्दानुभूतिका लागि श्रवण, पठन र मनन गर्ने गरेको र आफू बोल्नेभन्दा पनि अरूका रचना सुन्न ललायित हुने गरेकाे दुवै वक्ताले बताए । नवपुस्तालाई अध्ययनको दायरा फराकिलो पार्दै नेपालीसहित विभिन्न भाषाका पुस्तक अध्ययन गर्दै आफूमा निखारपन ल्याउन समेत उनीहरुले आग्रह गरे ।
कार्यक्रममा सङ्गमद्वारा संचालित पुष्पलाल स्मृति पुस्तकालयलाई साहित्यकार रमेश माेहन अधिकारीले विभिन्न लेखकमा पुस्तक समेत हस्तान्तरण गरेका थिए । वैद्य र मैनालीसहित ऋषिराम पोखरेललगायतलाई मायाको चिनो प्रदान गरिएको थियाे । सङ्गम अध्यक्ष डीबी बर्तौलाको सभाध्यक्षता भएकाे कार्यक्रममा सन्ध्यामा शैक्षिक व्यक्तित्व ऋषिराम पोख्रेल, ह्याग्रिव आचार्य, देबराज आचार्य, शान्ती प्रीयवन्दना लगायतकाे उपस्थिति रहेकाे थियाे ।
मकवानपुर । शहीद सप्ताह अन्तरगत मकवानपुरको हेटौंडामा भएको वक्तृत्वकलामा सपना बर्तौला प्रथम भएकी छिन् ।
मदन भण्डारी फाउन्डेसन मकवानपुरको ब्यबस्थापनमा शहीद स्मारक बिकास समितिले सहिद दिवसको अवसरमा शनिबार आयोजना गरेको वक्तृत्वकलामा हेटौंडा १९ की बर्तौला प्रथम भएकी हुन । यस्तै कार्यक्रममा हेटौंडा ५ कि आकाङ्क्षा निरौला द्वितीय, हेटौंडा ४ की दर्सना सापकोटा तृतीय भइन । हेटौंडा ९ की अभिप्सा पौडेलले सान्त्वना भइन ।
प्रतियोगितामा प्रथम, द्वितीय, तृतीय र सान्त्वना भइ उनीहरुले क्रमशः १० हजार, ७ हजार, ५ हजार र १ हजार नगद पुरस्कार प्राप्त गर्ने छन् । बक्त्तृवकलाका लागि १६ जनाले सहभागिता जनाएका थिए । घनश्याम घिमिरे, भावना सपकोटा र अमृत बर्तौलाको निर्णयकमा रहेका थिए ।
कार्यक्रममा बागमती प्रदेशका प्रथम मुख्यमन्त्री तथा शहीद स्मारक बिकास समितिका अध्यक्ष डोरमणि पौडेलले शहीदका सपना साकार पार्न सबैको भूमिका अपरिहार्य रहने बताए । शहीद र जननेता भण्डारीले देखाएको बाटोमा हामी हिड्न जरुरी रहेको भन्दै उनले राजनीति निषेध भन्दा पनि गलत नेतृत्वलाई निषेध गर्नुपर्ने बताए ।
कार्यक्रमका सहभागीहरुलाई शनिबार नै प्रमाणपत्र वितरण गरिएको थियो भने बिजेताहरुलाई माघ १५ गते पुरस्कारसहित प्रमाणपत्र बितरण गरिने आयोजकले जानकारी दिएको छ ।
मकवानपुर। संगीतमय बन्दै गएको नेपाली सांगीतिक बजारमा पछिल्लो समय एकपछि अर्को गरेर गीतहरु आउनेक्रम बढेकाे छ । कलाकारहरुले नयाँ नयाँ गीतहरु सार्वजनिक गरिरहेका छन्।
यसैक्रममा ‘यो सोझो पल्कियो’ गीत सार्वजनिक भएको छ । उषा गजुरेलको युटुब च्यानलबाट सार्वजनिक गरिएको उक्त गीतमा किरण गजमेर र उषा गजुरेलको स्वर रहेको छ । लोकप्रिय संगीतकार श्रीकृष्ण बम मल्लकाे शब्द तथा संगीत रहेकाे गीतको भिडियोलाई मनोज राजभण्डारीको निर्देशन गरेका छन् ।
सुरेश पाण्डेको कोरियोग्राफी, सञ्जय लामाको छायांकन, मनोज राजभण्डारीको सम्पादन र मनोरञ्जन श्रेष्ठको रंग संयोजन रहेको भिडियाेमा नेपाली चलचित्रका नायक पल शाह र एरोना मल्लको अभिनय रहेको छ । भिडियाेकाे प्राेडुसर दिपेन्द्र राइ र कुमार खत्री रहेका छन् ।
© भट्टराई माधवप्रसाद
आँसु खस्यो, गला रुक्यो तिमी गएपछि ।
ओठ,तालु सबै सुक्यो तिमी गएपछि ।
पुर्याउन लैजाऊ भन्यौ मिर्मिरे मै बाटोतिर,
सुमो चढ्यौ, मुटु दुख्यो तिमी गएपछि।
कहिल्यै पनि ओझेल हुन्न तिमीबाट भन्थें,
बाचा, कसम सबै चुक्यो तिमी गएपछि ।
सामुन्नेमा देखा पर्दा आहा भन्नेहरुले नै,
मेरै कुरा काट्दै भुक्यो तिमी गएपछि ।
श्रीमतीलाई दासी सम्झी शासन गर्नेले त,
आकाशतिर फर्की थुक्यो तिमी गएपछि ।
तिम्रो लक्ष्य पूरा गर्न जे जे गरें, जसो गरें,
गौरवले छाती फुक्यो तिमी गएपछि।
सुर्योदय–१३, लक्ष्मीपुर,इलाम