मकवानपुर । हेटौंडामा जारी ‘स्थानीय तह शहीद स्मृती राष्ट्रिय गोल्डकप अन्तरगत आइतबार भएकाे खेलमा बागमती युवा क्लब सर्लाहीले विभागीय टिम सशस्त्र प्रहरी बल(एपिएफ)लाई हराएकाे छ ।वन विज्ञान अध्ययन संस्थानकाे खेल मैदानमा भएको खेलमा एपिफलाई बागमती युवाले २–१ ले हराएको हो ।
बागमतीको पहिलो गोल विक्रम धिमालले हेड मार्फत गरेका थिए । प्रतिस्पर्धात्मक बनेको खेलको ३७ मिनेटमा धिमालको गोलबाट अग्रता लिएको बागमतीले ७४ औं मिनेटमा सागर शाहीले फ्रि किकबाट आएको पासलाई डि बक्स भित्र सदुपयोग गर्दै जाली चुमाएका थिए । खेलकाे म्यान अफ दी म्याच बागमतीका विक्रम धिमाल भएका छन् ।
दोस्रो गोल पछि दबाबमा आएको एपिएफले ८० मिनेट पनि निरन्तर बागमती युवा क्लबलाई दबाबमा राखेको थियो । बागमती युवा क्लबका खेलाडीले डि बक्स भित्र हातले बल छुँदा एफिएफले पेनाल्टी पाएको थियो । पेनाल्टीको रवि थिङले सदुपयोग गरेर खेलमा फर्काउन खोजेता पनि स्कोर भने बढाउन नसकेको हो ।
सेमिफाइनल प्रवेशका लागी बागमती युवा क्लब सर्लाहीले विदेशी क्लब अफ्रिकन रुट्स एसोसिएसन (अरास) डुवल क्यामरुनसँग मंगलबार प्रतिस्पर्धा गर्ने छ ।
मकवानपुरका १० वटै स्थानीय तहको सहयोगमा आयोजना भएको तेस्रो संस्करणको फुटबल प्रतियोगिता अन्तरगत सोमबार संकटा क्लब र मच्छिन्द्र क्बल विच खेल हुने आयोजकले जनाएको छ । चैत ७ गतेसम्म सञ्चालन हुने प्रतियोगितामा एक विदेशीसहित छ वटा ए डिभिजन, आयोजक र दुईवटा मोफासलका क्लब गरी दश टोलीको सहभागिता रहेको छ ।
प्रतियोगिताको विजेता टिमले नगद १० लाख र उपविजेता टिमले ५ लाख पुरस्कार प्राप्त गर्ने छन् ।त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोत्कृष्ट हुने खेलाडी बुलेट बाईक प्राप्त गर्नेछन् । सर्वोत्कृष्ट खेलाडीको लागि नेपालमा गरिएको प्रतियोगिताहरुमा सबैभन्दा ठुलो राशीको पुरस्कार रुपमा बुलेट बाईक भएको आयोजकले दाबी गरेको छ ।
मकवानपुर । बागमती गाउँपालिका खेलकुद बिकास समितीको आयोजनामा चौथो बागमती गोल्डकप राष्ट्रिय फुटबल प्रतियोगिता -२०७७ आगामी चैत १३ गतेबाट सुरु हुने भएको छ । चेत २३ गतेसम्म संचालन हुने फुटबल प्रतियोगितामा देश भरका विभिन्न स्थानबाट १० वटा क्लबको सहभागिता रहने आयोजकले जनाएको छ ।
देशको ए डिभिजन क्लबको समेत सहभागिता हुने खेलकुद विकास समिति सदस्य तथा जनता माबिका प्रध्यानाध्यापक वसन्त राईले बताए । खेलसँगै समृद्धि जोडिएकोले व्यावसायिकहरुले पनि सहयोग र साथ दिन उनले आग्रह गरे ।
छोटो समयमा धेरै तयारी गरेर खेलको तयारी थालिएको बागमती गाउँपालिका अध्यक्ष सर्केश घलानले बताए । नियमित खेलकुद प्रतियोगिता गरिदाँ खेलसँगै शिक्षा क्षेत्रको विकास हुने अध्यक्ष घलानले बताए । “गाउँपालिका भित्र रंगशालाको समेत आवश्यकता खड्किएकोले बढी चासो र आकर्षक आवश्यक छ” अध्यक्ष घलानले भने । आन्तरिक खेलाडीलाई मनोबल बढाउन र उत्कृष्ट खेलाडी बनाउने अवसर सिर्जना गर्न खेललाई निरन्तरता दिएको अध्यक्ष घलानले बताए ।
खेल क्षेत्रको विकाससँगै स्थानीय क्षेत्रको विकाससँग जोडिएकोले आफूहरूले नियमित खेल जारी राखेको बागमती गाउँपालिका खेलकुद विकास समिति सचिब प्रमोदकुमार राईले बताए । नगद १ लाखबाट सुरु गरिएको यो खेलमा समयसापेक्ष पुरस्कार राशि बढाउदै आएको बागमती गाउँपालिकामा आइतबार आयोजित पत्रकार सम्मेलनमा जानकारी गराइएको थियो ।

खेलकुद स्वास्थ्यका लागि खेलकुद राष्ट्रका लागि भन्ने नाराका साथ बागमती गाउँपालिका वडा नम्बर ८ शान्तिपुर स्थित जनता माबिको चौरमा खेल हुनेछ । दैनिक ७ देखि १० हजार जनाले खेलको अवलोकन गर्ने खेलकुद विकस समिति अध्यक्ष भीमबहादुर राई बताए । प्रतियोगितामा प्रथम हुनेलाई ८ लाख, द्वितीय हुनेलाई ४ लाख, सर्वोत्कृष्ट खेलाडीलाई ५१ हजार, बिधागत उत्कृष्ट खेलाडीलाई प्रतिखेलडी १०/१० हजार, म्यान अफ दि म्याचलाई प्रती खेलाडी ५/५ हजार प्रदान गरिने छ ।
फुटबल प्रतियोगिताको पुरस्कार राशि यसवर्ष केही बढाइएको छ । गतवर्ष बागमती गोल्डकपको तेस्रो संस्करणको विजेताले नगद ६ लाख रुपैयाँ प्राप्त गरेका थिए । उपविजेता हुने समूहले ३ लाख रुपैयाँ प्राप्त गरेका थिए । बागमती गाउँपालिका खेलकुद विकास समितिले गत वर्षको तुलनामा प्रथम पुरस्कारमा २ लाख र द्वितीय पुरस्कारमा १ लाख रुपैयाँ थप गरेको हो ।

कुलखर्च चौहत्तर लाख, पैतालिस हजार अनुमान गरिएको र मुख्य प्रायोजक बागमती गाउँपालिकाले ३५ लाख आर्थिक सहयोग गर्ने बागमती गाउँपालिका खेलकुद विकास समिति पुर्व अध्यक्ष ध्रुव थापाले बताए । अपुग रकमका लागि उद्योगी व्यापारी तथा अन्य गाउँपालिकासँग सहकार्य गरिने उनले बताए ।
प्रतियोगितामा ए पि एफ क्लब काठमाडौ,नेपाल पुलिस क्लब काठमाडौ, च्यासल युवा क्लब ललितपुर,संकटा युवा क्लब काठमाडौ, जाउलाखेल युवा क्लब ललितपुर, मछिनन्द्र क्लब काठमाडौं, बागमती युवा क्लब सर्लाही , नव जनता जागृती युवा क्लब सिमरा, थ्री स्टार युवा क्लब काठमाडौ, हेटौंडा ११ हेटौंडा सहभागी हुन सक्ने आयोजकले बताएको छ ।
स्थानीय खेलाडी उत्पादन गर्ने र उनीहरुको सीप र कौसलतालाई प्रोत्साहन गर्ने मुख्य उद्देश रहेको उनले बताए । यसभन्दा अगाडि सम्पन्न गरिएको तीन वटा खेलको अनुभवलाई समेट्दै खेल सम्पन्न गर्ने तयारीमा लागेको आयोजकले जनाएको छ ।
तेस्रो बागमती गोल्ड कपको उपाधी र दोस्रो बागमती गोल्ड कप २०७५ को उपाधी सरस्वती क्लब काठमाडौं र पहिलो बागमती गोल्ड कप २०७५ को उपाधी हरिहरपुर गाउँपालिका, सिन्धुलीले पोल्टामा पारेका थिए ।
मकवानपुर । महालक्ष्मी विकास बैंक लिमिटेड र मातृभूमि साहित्य समाज मकवानपुरले संयुक्त रुपमा प्रदान गर्दै आएको महालक्ष्मी साहित्य पुरस्कार, २०७७ सञ्चारकर्मी तथा साहित्यकार डा. नवराज लम्साललाई प्रदान गरिएको छ । शनिबार हेटौंडामा आयोजित एक कार्यक्रममा खण्डकाव्य, महाकाव्य लेखन र राष्ट्रिय तथा अन्तर्राष्ट्रियस्तरमा कवि तथा गजलकार उत्पादनमा उल्लेखनीय योगदान पुर्याएको भन्दै यस बर्षकाे महालक्ष्मी साहित्य पुरस्कारबाट लम्साललाई सम्मान गरिएको हो ।
सामाजिक उत्तरदायित्व निभाउदैं बैकले साहित्य क्षेत्रमा योगदान पुर्याउने व्यक्तित्वहरुलाई सम्मान गर्दै अाएकाे महालक्ष्मी साहित्य पुरस्कारको राशि वृद्धि गरी ५१ हजार बनाईएको छ । गत वर्ष २१ हजार १ रुपैयाँको रहेको पुरस्कारकाे राशी यस वर्षबाट वृद्धि गरिएकाे महालक्ष्मी वैंकले जनाएकाे छ । डा. लम्साललाई प्रमाण पत्र, नगद ५१ हजार राशि र दोसल्ला ओढाएर पुरस्कार प्रदान गरिएको हो । उच्च अदालत पाटन इजलास हेटौंडाका माननीय न्यायधीश शेषराज शिवाकोटीको प्रमुख आतिथ्यतामा पुरस्कार प्रदान गरिएको थियो ।
सोही अवसरमा मातृभूमि राष्ट्रिय सम्मान–२०७७ बाट समाजका पूर्व अध्यक्ष तथा मकवानपुरे स्रष्टा कवि देवराज खरेल र मातृभूमि मकवानपुरश्री सम्मान–२०७७ बाट मकवानपुरका खोजकर्ता लेखक केदार प्रसाद न्यौपानेलाई सम्मान गरीएको थियो । सम्मान कार्यक्रमको समारोहमा मकवानपुरे स्रष्टा कवि दिनेश शर्मा न्यौपानेको कविता सङ्ग्रह ‘एउटा मृत्यु यो पनि’ विमोचन गरिएको थियो ।
समाजका अध्यक्ष माधब पोख्रेलको अध्यक्षतामा भएको कार्यक्रममा महालक्ष्मी विकास बैंकका सहायक कार्यकारी अधिकृत डलककुमार अधिकारी, साहित्यकार तुल्सी थापा, समाजका संरक्षक मुक्तिगोविन्द वैद्य, संस्थापक अध्यक्ष हयाग्रीव आचार्य, बैंकका हेटौंडा शाखा प्रमुख शम्भु पराजुली, समाजका उपाध्यक्ष कृष्णप्रसाद दाहाल, सदस्य हेमन्त ढुङ्गेल लगायतले मकवानपुरे साहित्यस्रष्टाहरूले आफ्ना भनाई तथा रचना वाचन गरेका थिए ।
मकवानपुर । हेटौंडामा जारी ‘स्थानीय तह शहीद स्मृती राष्ट्रिय गोल्डकप तेस्रो संस्करण’ को शनिबार भएकाे खेलामा खेलमा संकटा क्लब विजयी भएको छ । हेटौंडाको वनविज्ञान अध्ययन संस्थानको खेलमैदानमा आज भएको खेलमा संकटाले विभागिय टोली नेपाल पुलिस क्लबलाई १–० ले हराउँदे क्वार्टरफाइनलमा प्रवेश गरेको छ ।
पुलिस क्लबले खेलमा दबाब कायम राखेता पनि स्कोर भने निकाल्न नसक्दा खेलको नतिजा संकटाको पक्षमा आएको हो । खेलको ३१ औं मिनेटमा संकटाका तर्फबाट विदेशी खेलाडी एको लुईच क्लेले गरेको गोल नै अन्तिम निर्णय भएको थियो । पुलिसले गरेको दुई प्रहार मध्ये एउटा संकटाका गोलरक्षकले बचाएका थिए भने एउटा बारमा लागेको थियो । पुलिसले बललाई नियन्त्रणमा लिएता पनि लक्षित प्रहार भने गर्न सकेको थिएन ।
प्रतियोगिता अन्तर्गत इतबार नेपाल ए.पी.एफ र सर्लाहीको बागमती युवा क्लबबीच खेल हुने आयोजकले जनाएको छ । मकवानपुरका स्थानीय तहहरुको सहयोगमा जिल्ला फुटबल संघ मकवानपुरको आयोजनामा भएको प्रतियोगितामा ए–डिभिजनका क्लबहरु सहित १० वटा टोलीको सहभागिता रहेको छ ।
प्रतियोगिताको विजेताले उपाधिसहित १० लाख तथा उपविजेताले ५ लाख पाउनेछ । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोत्कृष्ट हुने खेलाडी बुलेट बाईक प्राप्त गर्नेछन् । सर्वोत्कृष्ट खेलाडीको लागि नेपालमा गरिएको प्रतियोगिताहरुमा सबैभन्दा ठुलो राशीको पुरस्कार रुपमा बुलेट बाईक भएको आयोजकले दाबी गरेको छ ।
मकवानपुर । कथासङ्ग्रह ‘कुमाता’ को विमर्श कार्यक्रम शनिवार भएको छ । लघु कथा समाजको आयोजनामा पत्रकार एवं कथाकार वसन्त पराजुलीको कथाकृति कुमाताकाे विर्मश कार्यक्रम काठमाडाैंमा सम्पन्न भएको हो । कुमाता यो पुस्तक चितवन साहित्य परिषदको चिसाप राजकृष्ण कंडेल साहित्य पुरस्कार, राउण्ड टेवुल गसिफ हेटौंडाको सम्मान र हाम्रो मझेरी प्रतिष्ठानको श्रष्टा सम्मानवाट सम्मानित भएको कृति हो ।
कार्यक्रममा लघु कथा समाजका अध्यक्ष श्रीओम श्रेष्ठ रोदनले कथा साहित्यको क्षेत्रमा कुमाताले फरक धार अंगालेको स्पष्ट पार्दै कथाहरु नारी प्रधान रहेको बताए । “कुमाताले नेपाली कथा साहित्यको क्षेत्रमा छुट्टै पहिचान वनाउन सफल भएको छ”, श्रेष्ठले भने, “किताव प्रकाशन भएको एक वर्षमा तेस्रो संस्करण आउने अवस्था वन्नु र तीन तीन वटा पुरस्कार हात पार्नु कथासंग्रहको वलियो पक्ष हो ।”
कार्यक्रममा कृति माथि समीक्षा गर्दै समालोचक प्रा.डा. लक्ष्मणप्रसाद गौतमले कथाको विषय वस्तुहरु समसामयिक र हाम्रै समाज वरिपरिका रहेकाले पाठकहरुले रुचाएको बताए। “लेखकको पहिलो कृति भएकाले केही त्रुटि अवश्यनै छन्”, उनले भने, “प्रस्तुतीको शैलीलाई आगामी सिर्जनाहरुमा ख्याल गर्न लेखकलाई सुझाव दिन्छु ।”

त्यसैगरी अर्की समीक्षक उपप्राध्यापक ज्ञानु अधिकारीले कुमाताका लेखक पराजुलीले कुमातामा राम्रा कथाहरु समावेश गर्नु भएको बताउँदै शीर्षकले नकारात्मक अर्थ दिए पनि कथाहरुमा समेटिएको विषयवस्तुले नारी अस्मिताकै पक्षमा बोलेको बताए । “कथाले समाज बोल्नु पर्छ, कुमाताभित्र समाज प्रस्ट झल्किएको छ”, उनले भने । कुमाता कथा संग्रह समग्रमा राम्रो भए पनि आगामी कृतिहरुमा नारी अस्मिताप्रति अझ संवेदशील हुनु पर्ने उनले औल्याए ।
कुमाता कथासंग्रहका लेखक वसन्त पराजुलीले नारी सम्वेदनमा केन्द्रित भएर कथाहरु लेखिएको बताए । “नारीप्रधान विषयवस्तुलाई टपक्क टिप्दै काल्पनिकताको जलप लगाएर कथाहरू तयार भएकोले पाठकहरुले यसलाई मन पराइ दिनुभएको मैले पाएको छु”, गराजुलीले भने ।
भुँडी पुराण प्रकाशन प्रालिका प्रवन्ध निर्देशक केशव पराजुलीले पुस्तकको तेस्रो सस्करण प्रकाशनको प्रकृया शुरु भएको जानकारी दिए । भुँडी पुराण प्रकाशन प्रालिले गत वर्षको फागुन २६ गते प्रकाशन गरेको कुमाता कथा संग्रहकाे गत असारमा दोस्रो संस्करण निकालेको हो ।