मकवानपुर । हेटौंडामा जारी स्थानीय तह शहीद स्मृती राष्ट्रिय गोल्डकप तेस्रो संस्करण’ को खेलमा मंगलबार भएको अन्तिम क्वार्टरफाईनलमा विदेशी टोली अफ्रिकन रुट्स एशोसिएसन क्यामरुन(अरास) ले र बागमती युवा क्लब सर्लाहीलाई २–१ ले हराउँदै समिफाईनल प्रवेश गरेकाे छ ।
खेलको पहिलो हाफमा बागमती युवा क्लबले १–०को अग्रता सहित औषत प्रदर्शन गरेता पनि दोस्रो हाफमा क्यामरून (अरास)ले पुरै दबाबमा राखेको थियो । सर्लाहीका लागि विदेशी खेलाडी स्टेफन समिरले खेलको २५ औं मिनेटमा गोल गर्दै अग्रता दिलाएका थिए । दोस्रो हाफमा रक्षात्मक खेलेको बागमतीले खेलको ८९ औं मिनेटमा क्यामरुनका लागि बेससेकले जाली चुमाएपछि अग्रात गुमाएको थियो । अन्तिम समय लगातार गोलपोष्टमा प्रहार गरेको क्यामरुनले ९२ मिनेटमा लोइसले गर्दै जीत पक्का गरेका थिए ।

भोली बुधबार लिग विजेता मछिन्द्रले फाईनल प्रवेशको लागि आयोजक रिगल रिसोर्ट मकवानपुर ११ सँग खेल्नेछ । त्यस्तै चैत ५ गते दाेस्राे सेमिपफाइनलमा क्यामरून र नेपाल अार्मीसँग भिड्ने छ । चैत ७ गते प्रतियाेगिताकाे फाइनल खेल हुनेछ ।
प्रतियोगिताको विजेताले उपाधिसहित १० लाख तथा उपविजेताले ५ लाख पाउनेछ । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोत्कृष्ट हुने खेलाडी बुलेट बाईक प्राप्त गर्नेछन् । सर्वोत्कृष्ट खेलाडीको लागि नेपालमा गरिएको प्रतियोगिताहरुमा सबैभन्दा ठुलो राशीको पुरस्कार रुपमा बुलेट बाईक भएको आयोजकले दाबी गरेको छ । प्रतियाेिगतामा ए िडिभजनका टिम सहित १ विदेशी टाेली सहित १० टिमकाे सहभागिता रहेकाे छ ।
।
मकवानपुर । भक्तपुर नगरपालिकाद्वारा आयोजित अन्तर नगरपालिका बुद्धिचाल प्रतियोगिताको उपाधि हेटौडा उप महानगरपालिका टिमले जितेकाे छ। त्यसैगरी समान ११ अंक प्राप्त गरे पनि म्याच प्वाइन्टका आधारमा ललितपुर महानगरपालिका दोश्रो र काठमाण्डौं महानगरपालिका तेश्रो स्थानमा रहे ।
हेटाैडाले सातौं तथा अन्तिम चरणको खेलमा २.५—१.५ अंकले पराजित गरी कुल १३ अंक सहित उपाधि हासिल गरे । उपाधिसँगै हेटौडाले आकषर्क ट्रफि र नगद एक लाख पचास हजार पाए ।फाइनल खेलमा भिमेश्वर नपाका लागि सुमित पन्तले बर्तमान नेपाल च्याम्पियन पुरुषोत्तम चौलागाईंलाई माथ गरे । तर हेटौडाका सुरबीर लामाले भिमेश्वर नपाका आशिष फूयाँल, रुपेश जैसवालले सुदिप तामाङलाई हराए भने मनिष हमाल र क्षितिज भण्डारीबीच बराबरी भयो ।
भक्तपुरको जगातिस्थित महेश्वरी बैंक्वेटमा संचालित खेलमा ललितपुरका सजिन महर्जनले केशव श्रेष्ठ, बद्रिलाल नेपालीले रिजेन्द्र राजभण्डारी, सरोज महर्जनले नबिन तण्डुकार र सुमन राईले राजेन्द्र बज्राचार्यसित बराबरी खेलेका थिए । ललितपुरले आकषर्क ट्रफि र नगद एक लाख र काठमाण्डौंले आकषर्क ट्रफि र नगद पचार हजार पाए ।
स्वीस लिग ७ राउण्डको खेल भएको प्रतियोगितामा ब्यक्तिगत प्रदर्शनमा बोर्ड नं १ मा टोखा नपाका मिलन लामा, बोर्ड नं २ मा भक्तपुर नपाका निकेन कुसाथा, बोर्ड नं ३ मा दमक नपाका चन्द्रप्रकाश नेपाल, बोर्ड नं ४ मा हेटौडा उपमनपाका रुपेश जैसवाल र बोर्ड नं ५ मा भक्तपुर नपाका केशब मानन्धर उत्कृष्ठ घोषित भए । उनीहरुले जनही नगद पाँच हजार प्राप्त गरे ।
चारदिने प्रतियोगिताका बिजयी तथा सहभागीहरुलाई एक समारोहबीच प्रमुख अतिथि एव संघीय सांसद प्रेम सुवालले ट्रफि, मेडल, प्रमाणपत्र एवं नगद पुरस्कार वितरण गरेका थिए । आयोजक भक्तपुर नपाका मेयर सुनिल प्रजापतिका सभापतित्व समापन समाराेह भएकाे हाे । प्रतियोगितामा देशभरबाट २२ वटा नगरपालिकाहरु सहभागी थिए ।
मकवानपुर । हेटौंडामा जारी स्थानीय तह शहीद स्मृती राष्ट्रिय गोल्डकपमा साेमबारकाे खेलमा संकटा क्लबलाई हराउँदै ए डिभिजन लिग विजेता मछिन्द्र क्लब सेमिफाइनल प्रवेश गरेकाे छ । पुलिसक्लब लाई हराएर क्वार्टरफाईनलमा पुगेको संकटालाई १–० ले हराउँदै मछिन्द सेमिफाइनल पुगेकाे हाे ।
खेलको २४ औं मिनेटमा मछिन्द्रका राजेश परियारले गरेको गोल नै निर्णायक भएको थियो । खेलकाे म्यान अफ दी म्याच बन्दै परियारले १० हजार नगद प्राप्त गरेका छन् । मछिन्द्रले खेलमा निरन्तर दबाब राखेता पनि स्कोर भने बढाउन सकेको थिएन ।
मछिन्द्रले फाईनल प्रवेशको लागि अब आयोजक रिगल रिसोर्ट मकवानपुर ११ सँग खेल्नेछ । यस्तै भोली विदेशी टोली अफ्रिकन रुट्स एशोसिएसन क्यामरुन र बागमती युवा क्लब सर्लाही खेल्ने छ ।
प्रतियोगिताको विजेताले उपाधिसहित १० लाख तथा उपविजेताले ५ लाख पाउनेछ ।
त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोत्कृष्ट हुने खेलाडी बुलेट बाईक प्राप्त गर्नेछन् । सर्वोत्कृष्ट खेलाडीको लागि नेपालमा गरिएको प्रतियोगिताहरुमा सबैभन्दा ठुलो राशीको पुरस्कार रुपमा बुलेट बाईक भएको आयोजकले दाबी गरेको छ ।
मकवानपुर/भेटेरिनरी अस्पताल तथा पशुसेवा विज्ञ केन्द्र हेटौंडाले मकवानपुर जिल्लाका केही अगुवा किसानहरुलाई एक हप्ते अध्ययन अनुसन्धान भ्रमणमा सहभागी गराएको छ ।
आफूहरुले गर्दै आएको कृषि व्यवसायलाई अझै राम्रो बनाउने प्रेरणा मिलेको भ्रमणमा सहभागी कृषकहरुले बताएका छन् । केन्द्रका पशु विकास अधिकृत डा. ध्रुब डीसीको नेतृत्वमा भएको अध्ययन अवलोकन भ्रमणमा गोर्खा च्याम्लिङ्गको व्यवसायीक गाई फार्म, तनहु बन्दीपुरको बाख्रा अनुसन्धान केन्द्र, पोखराको बेगनास स्थित माछा अनुसन्धान केन्द्र, पिग पार्क, चितवन रामपुर स्थित नेपाल कृषि अनुसन्धान परिषद्को गाई अनुसन्धान कार्यक्रम लगायतमा भ्रमण गरिएको थियो ।
मकवानपुर जिल्लामा रहेर व्यवसायीक रुपमा बाख्र पालन, भैसी पालन, गाई पालन, माछा पालन कुखुरा पालन व्यवसायमा संलग्न रहेका किसान र कृषि पत्रकारीतामा कलम चलाउँदै आएका पत्रकारहरु समेतको सहभागीता रहेको अवलोकन भ्रमण धेरै उपलब्धि पूर्ण रहेको मकवानपुरगढी गाउँपालिकाका गाई पालक किसान नरेन्द्र लम्सालले बताए ।

भेटेरिनरी अस्पताल तथा पशुसेवा विज्ञ केन्द्रका पशु विकास अधिकृत डा. ध्रुब डीसीका अनुसार व्यवसायीक किसानलाई भ्रमणबाट सिकाइ बढाउने र अझै राम्रो गर्ने हौसला प्रदान गर्ने लक्ष्यले अवलोकन कार्यक्रम गराइएको थियो ।
‘समय समयमा गोठ र प्रविधि फरक फरक भैरहन्छन्, यस्ता भ्रमणले नयाँ जोश र उपलब्धिसँगै सिप सिक्ने अवसर दिएको छ, आफूजस्तै किसान् भेट्न पाउँदा गौरव लागेको छ’ भ्रमणपछि आयोजित समिक्षा कार्यक्रममा गाई पालक किसान लम्सालले भने ।

सधैं काममा व्यस्त रहने कृषकहरुलाई समय समयमा यस्ता अवलोकन भ्रमण गराउनाले व्यवसायप्रति अझै लगाव बढाउन सकिने र आर्थिक समृद्धिमा टेवा पुग्ने अगुवा कृषक फेन्चु लामाले बताए । यसैगरी भिजन अफ मकवानपुर एग्रीकल्चर प्रा.लिका व्यवस्थापक रमेश डीसीले अवलोकन भ्रमणपछि धेरै अनुभव संगाल्ने र सिक्ने अवसर पाएको बताए । ‘हामी बंगुर पालन र माछा पालनको बारेमा जानकारी खोजिरहेका थियौ, धेरै सिक्ने अवसर प्राप्त भयो, साथै बाख्रा गाईको बारेमा सिक्ने अवसर पाएँ’ डीसीले भने ।
यसैगरी मकवानपुर जिल्लाको थाहा नगरपालिकामा रहेर व्यवसायीक बाख्रा पालन गर्दै आएका अगुवा कृषक गुप्त सीं ठकुरीले कृषि कर्ममा लाग्न चाहनेको लागि अवलोकन भ्रमण अत्यन्तै उपलब्धिपूर्ण भएको बताए । सुपिङका गाई पालक कृषक अनिल पुडासैनीले अवलोकन भ्रमणबाट काममा पुनर्ताजगी प्राप्त भएको बताए । कृषकको लागि समय समयमा यस्ता अवलोकन भ्रमण आवश्यक भएको पुडासैनीले बताए ।

यसैगरी कैलाश गाउँपालिकाका कमान सिं घलानले पनि आफ्नो लागि अध्ययन भ्रमणले नयाँ ज्ञान हासिल गर्ने अवसर प्रदान गरेको बताए । ‘आर्थिक अभावको कारण साना साना खोर बनाएर बाख्रा,कुखुरा पाल्ने जमर्को गरिरहेको थिए, खोर बनाउन नजान्दा युटुबको साहारा लिदै आएको थिए, अगुवा कृषकहरुले बनाएका खोरहरु पनि प्रत्यक्ष हेर्ने अवसर पाए,’ उनले भने ‘अब काम गर्ने हौसला मिलेको छ ।’
यसैगरी भैंसी पालक किसान समता खड्काले आफूले विगतमा गर्दै आएको पेशा नै फेर्ने मनस्थिती बनाएको तर, भ्रमणपछि पुरानै पेशालाई निरन्तरता दिने प्रेरणा मिलेको बताइन् । ‘भैसी बेचेर, किराना पसल राख्ने सोच बनाएको थिए, एक हप्ताको भ्रमणले मलाई आफूले पाल्दै आएको भैसी बेच्न हैन, अरु थप्न रहर जागेको छ’ उनले भनिन् ‘अब गोठ र भैसी थपेर अझै ठुलो स्केलमा भैसीपालन व्यवसाय गर्छु ।’

अध्ययन अवलोकन भ्रमणमा भेटेरिनरी अस्पताल तथा पशुसेवा विज्ञ केन्द्र हेटौंडाको अधिकृत छैठौ बिनिता सिंह, वीरबहादुर खत्री तथा सहायक स्तर पाँचौ प्रदिप सापकोटा, मकवानपुरगढी, थाहानगरपालिका, हेटौंडा उपमहानगरपालिका, मनहरी गाउँपालिकाका अगुवा कृषहरुलगायत १८ जनाको सहभागीता रहेको थियो ।

अध्ययन टोलीले तनहु स्थित मोडेल डेरि फार्मका काशिनाथ भट्टराई, गोर्खा च्याम्लि· स्थित कामधेनु गाई फार्मका राजेन्द्रराज पन्त, बन्दिपुर स्थित बाख्रा अनुसन्धान केन्द्रका वैज्ञानिक दिपक अधिकारी, पोखराको बेगनास स्थित माछा अनुसन्धान केन्द्रका प्रमुख डा. मो. इकवाल हुसेन, तथा वरिष्ठ चिकित्सक बेचनप्रसाद यादब, संघीय सरकार समेतको सहयोगमा सञ्चालित कास्कीको सामूहिक पिग पार्कका सचिव मोहन थापा, नेपाल कृषि अनुसन्धान परिषद् राष्ट्रिय गाई अनुसन्धान कार्यक्रम रामपुर चितवनका प्राबिधिक प्रतिक हमालसँग अन्तरक्रिया गरेको थियो ।

