मकवानपुर । फागु अर्थात हाेली पर्व आज आइतबार हिमाली एवं पहाडी जिल्लामा हर्षोल्लासका साथ मनाइदैछ । एकापसमा रङ र लोला खेली आपसी सद्भावका साथ फागु मनाइन्छ । । फागुन शुक्ल पूर्णिमाका दिन मनाइने फागु हिमाली एवं पहाडी तथा पूर्णिमाकाे भाेलीपल्ट तराइका जिल्लाहरूमा हाेली पर्वकाे रूपमा मनाइदै अाइएकाे छ ।
वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व आज परम्परागत रूपमा विभिन्न रङ र लोला खेली मनाउने प्राचीन परम्परा छ । केही वर्ष अघिसम्म उत्ताउलो रुपमा मनाइने यो पर्व पछिल्लो समय सभ्य बन्न थालेको पाइन्छ । जनचेतना तथा सुरक्षाा सक्रियतकाे कारणा पर्व सभ्य बन्दै गएकाे हाे ।
सडकमा काम विशेषले हिँड्नेलाई इच्छा विपरीत रङ र लोला हान्ने क्रम बन्द हुँदै गएको छ । विगत वर्ष जस्तै यस वर्ष पनि कोरोनाको प्रभाव विश्वव्यापीरुपमा बढ्दै गएकाले फागु पर्वमा पानी र रङ प्रयोग नगर्न प्रशासनले आह्वान गरेको छ । साथै घर परिवारमै फागु पूर्णिमा मनाउन पनि प्रशासनले अनुरोध गरेको छ ।
सावधानी अपनाएर होली मनाउन राष्ट्रपतिको आग्रह
राष्ट्रपति विद्यादेवी भण्डारीले स्वास्थ्य सावधानीका उपाय अपनाएर होली मनाउन आग्रह गरेकी छन् । कोरोना भइरस (कोभिड–१९) महामारी टरिनसकेको भन्दै राष्ट्रपति भण्डारीले पूर्व सावधानीका उपाय अवलम्बन गरी होली मनाउन आग्रह गरेकी हुन् ।
यसले लोक संस्कृतिको प्रवर्धन गर्ने र समस्त नेपालीहरू बीच आपसी सद्भाव, सहिष्णुता,आत्मीयता र बन्धुत्वको भावना अभिवृद्धिगरी राष्ट्रिय एकतालाई थप सुदृढ बनाउन योगदान पुर्याउने विश्वास होली पर्वको शुभकामना दिदै व्यक्त गरेकी छन् ।
राष्ट्रपति भण्डारीले सुसंस्कृत र न्यायपूर्ण समाज निर्माणको कामना समेत गरेकी छन् । ‘यो पर्वले समाजमा विद्यमान विभिन्न प्रकारका विकृति, विसङ्गति, कुरीति एवं कुपरम्पराहरूलाई निर्मूल गर्दै मौलिक संस्कृतिसहितको सभ्य, सुसंस्कृत एवं न्यायपूर्ण समाजको निर्माण र संवर्द्धन गर्न उत्प्रेरित गरिरहोस् भन्ने कामना गर्दछु,’ शुभकामना सन्देशमा भनिएको छ ।
यस्तै, उपराष्ट्रपति नन्दबहादुर पुनले पनि शुभकामना सन्देश जारी गर्दै होली पर्वले नेपाली समाजलाई एक सूत्रमा जोडेर आपसी सद्भाव, सहिष्णुता, प्रेम र भाइचाराको अभिवृद्धि गर्दै राष्ट्रिय एकतालाई बलियो बनाउने विश्वास व्यक्त गरेका छन् ।
सभापति देउवाद्वारा भौतिक दूरी राख्दै सुरक्षित रुपमा होली मनाउन आग्रह
नेपाली कांग्रेसका सभापति शेरबहादुर देउवाले अत्यन्त हर्षोल्लासका साथ खेलिने होली पर्वको अवसरमा सम्पूर्णमा शुभकामना व्यक्त गरेका छन् ।
उनले शुभकामना सन्देशमार्फत मुलुकमा फेरी पनि कोभिड–१९ को प्रभाव र जोखिम बढ्दै गएको स्थितिलाई दृष्टिगत गरेर भौतिक दूरी राख्दै सुरक्षितरुपमा यो पर्व मनाउन सबैलाई आग्रह गरेका छन् ।
होली पर्व हाम्रो एक धार्मिक र सांस्कृतिक पर्व भएको उल्लेख गर्दै सभापति देउवाले अन्यायमाथि न्यायको विजयको शाश्वत सन्देश दिने यो पर्वलाई नेपाली समाजले हरेक वर्ष पारिवारिक स्नेह, पारस्परिक एकता र सामाजिक सद्भावका साथ मनाउँदै आएको बताएका छन् ।
हाेली गीत सुन्नुहाेस
मकवानपुर । हेटाैडामा संचालन भएकाे नेपालकै सर्वाधिक राशी पुरस्कार रहेको अन्तर शहर चेस प्रतियोगिताको उपाधि हेटौँडा उपमहानगरपालिकाले जितेको छ । शनिबार भएको सातौं चरणको खेलमा ललितपुरको महालक्ष्मी नगरपालिकालाई पराजित गर्दै हेटौंडा उपमहानगरपालिका १३ अंकसहित प्रथम स्थान हासिल गर्दै उपाधि जितेको हो । प्रतियोगितामा दोलखा जिल्ला बुद्धिचाल संघ १२ अंकसहित दोस्रो स्थानमा रहन सफल भयो ।
उपाधि विजेता हेटौंडा उपमहानगरपालिकाले नगद दुई लाख ५० हजार रुपैयाँ प्राप्त गरेको छ । पुरस्कार चेस प्रतियोगितामा हालसम्मकै धेरै हो । यसै गरी दोस्रो स्थानमा रहन सफल दाेलखाले एक लाख ५० हजार रुपैयाँ पुरस्कार प्राप्त गरेको छ । १० अंकसहित लितपुर महानगरपालिकाको टिम तेस्रो हुँदै ५० हजार रुपैयाँ नगद प्राप्त गरेको छ । प्रतियोगितामा ललितपुरको ललितपुर खेलकुद क्लब र ललितपुरको महालक्ष्मी नगरपालिका क्रमशः ९ र ८ अंकसहित चौथो र पाँचौ स्थानमा रहँदै नगद ३० र २० हजार रुपैयाँ प्राप्त गरेको छ ।
प्रतियोगितामा बोर्डको उत्कृष्ट खेलाडी बन्दै हेटौंडा उपमहानगरपालिकाका क्षितिज भण्डारी, रुपेश जैसवाल, सुरवीर लामा, दोलखा जिल्लाको दोलखा बुद्धिचाल संघका मनिष हमाल र नुवाकोटको विदुर नगरपालिकाका आश्चर्य चौधरीले जनही १० हजार रुपैयाँ प्राप्त गरेका छन् । प्रतियोगिताको समापन तथा पुरस्कार वितरण कार्यक्रम हेटौंडा चेस क्लबका अध्यक्ष ज्ञानकृष्ण प्रजापतिको अध्यक्षता तथा हेटौंडा उपमहानगरपालिकाका मेयर हरिबहादुर महतको प्रमुख आतिथ्यमा भएको थियो ।
समापन कार्यक्रममा नेपाल बुद्धिचाल संघका अध्यक्ष एकालाल श्रेष्ठ, बागमती प्रदेश खेलकुद विकास परिषद्का सदस्य सचिव सूर्यलाल भण्डारी, मकवानपुर जिल्ला अध्यक्ष माधव तिमल्सिना, मकवानपुर जिल्ला खेलकुद विकास समितिका अध्यक्ष सानु लामा, हेटौंडा उपमहानगर खेलकुद विकास समितिका अध्यक्ष चन्द्र शाहीको पनि उपस्थिति रहेको थियो ।
मकवानपुर । प्रेस संगठन नेपाल मकवानपुरले अग्रज तथा क्रियाशील पत्रकारलाई सम्मान र पुरस्कृत गरेको छ ।
मकवानपुरमा लामो समयदेखि पत्रकारितामा गर्दै आएका पत्रकार महासंघका पूर्व अध्यक्ष नवराज शर्मा सहित, कौशल पाण्डे, प्रताप विष्ट, राममणि दाहाल, भानुभक्त आचार्य, महेन्द्र श्रेष्ठ लाइ सम्मान गरिएकाे हाे । त्यसैगरी कृष्णराम परियार, सुवर्ण श्रेष्ठ, कमलचन्द्र सुमन, नानीमाया कार्की,मोहन साँगामी, लोकनाथ पाण्डे,आरसी रिजाललाई अग्रज पत्रकारको सम्मानबाट सम्मानित गरेको छ ।

त्यसैगरी प्रेस सेन्टरले स्थापनाकाल देखि प्रदानगर्दै रुद्र–सेन स्मृति पत्रकारिता पुरस्कार पत्रकार पत्रकार सुनिल खड्का र नानीमैया विष्टलाई प्रदान गरेको छ । कार्यक्रममा क्रियाशिल युवा पत्रकारको रुपमा गणेश दर्पण अधिकारी, शिव चौलागाई,सरला अधिकारी, शुभलक्ष्मी विकलाई सम्मान गरेको छ। क्रियाशिल युवा पत्रकारबाट पुरस्कृत सबैलाई नगद सहित दोसल्ला ओढाएर पुरस्कृत गरिएको छ।
प्रेस संगठन जिल्ला अध्यक्ष अञ्जली थापाको सभाध्यक्षता तथा विज्ञापन वोर्डका सदस्य बलराम थापाको प्रमुख अतिथ्यतामा भएको सम्मान तथा पुरस्कार कार्यक्रम भएकाे हाे । कार्यक्रममा बागमती प्रदेश सभा सदस्य प्रेम बहादुर पुलामी,ओम बहादुर ग्लान, माओवादी केन्द्र मकवानपुरका प्रचारप्रसार विभाग प्रमुख कमान सिं पाख्रीन शहिद परिवार सदस्य मान कुमारी पाख्रीन नारायणी यातायात कम्पनीका प्रवन्धक सरोज खनालकाे उपस्थिति रहेकाे थियाे ।

त्यस्तै पत्रकार महासंघ बागमती प्रदेश अध्यक्ष प्रताप विष्ट, महासचिव कृष्ण सारुमगर, पत्रकार महासंघ जिल्ला अध्यक्ष हरि हुमागाई, बागमती प्रदेश महासंघ सल्लाहकार गिरिजा अधिकारी प्रेस चौतारीका प्रदेश सहसंयोजक प्रकाश दाहाल, प्रेस संगठन केन्द्रीय सदस्य राजन दाहाल, प्रेस युनियन जिल्ला उपाध्यक्ष मणिराज गौतम, प्रेस मञ्च नेपाल केन्द्रीय उपाध्यक्ष मनोज ढोडारी, संगठनका सल्लाहकार ध्रुव अधिकारी,अकोराब प्रदेश उपाध्यक्ष सपना कंडेल, सञ्चारिका समूह बागमती प्रदेश संयोजक सरिता दाहाल लगायत मकवानपुरका पत्रकारहरुको उपस्थिती रहेको थियो ।
मकवानपुर । मकवानपुरको बागमतीमा सुरु चौथो बागमती गोल्डकप फुटबल प्रतियोगितामा नव जनजागृति युवा क्लब सिमराले बिजयी शुरुवात गरेको छ । बागमती-८ जनता माबिको खेल मैदानमा भएको उद्घाटन खेलमा आयोजकलाई ३-१ ले हराउदै सिमराले बिजयी सुरुवात गरेको हो ।
सिमराको जितमा दोस्रो हाफको १६ र २३ औं मिनेटमा जर्सी नम्बर १८ का एलोन राइले दुई गोल गरे । त्यस्तै थप एक गोल भने १४ नम्बर जर्सि सुशान्त तामाङले २८ औं मिनेटमा गरे । आयोजकका तर्फबाट जर्सी नम्बर १२ का उमेश लोप्चनले दोस्रो हाफको ३० औं मिनेटमा पेनाल्टीबाट सान्त्वना गोल गरेका थिए । त्यस पछिको खेलमा अग्रता लिन नसक्दा आयोजकले १ गोल मै चित्त बुझाउनु परेकाे छ ।
खेलको म्यान अफ दि म्याच सिमराका जर्सी नम्बर १८ का एलोन राई घोषित भएका छन् । उनले पुरस्कार स्वरुप नगद ५ हजार समेत प्राप्त गरे । प्रतियोगिता अन्तरगत १५ गते आइतबारको खेल रिगल हेटौंडा रिसोर्ट र एपीएफ नेपाल काठमाडौबीच हुने आयोजकले जनाएको छ ।

खेलको उद्घाटन नेकपा (माओवादी केन्द्र ) स्थायी कमिटी सदस्य तथा पूर्व गृहमन्त्री जर्नादन शर्मा( प्रभाकर)ले गरेका हुन । खेलकुद स्वास्थ्यका लागि खेलकुद राष्ट्रका लागि भन्ने नाराका साथ संचालित प्रतियोगिताको फाइनल खेल चैत्र २३ गते हुनेछ ।
प्रतियोगितामा प्रथम हुनेलाई ८ लाख, द्वितीय हुनेलाई ४ लाख, सर्वोत्कृष्ट खेलाडीलाई ५१ हजार, बिधागत उत्कृष्ट खेलाडीलाई प्रतिखेलडी १०/१० हजार, म्यान अफ दि म्याचलाई प्रती खेलाडी ५/५ हजार प्रदान गरिने छ । प्रतियाेगितामा बागमती खेलकुद विकास समिति, नव जनजागृती युवा क्लब सिमरा, थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुट् एसोसिएसन, क्याम्रुन सहभागीता जनाएका छन ।
यस अघी भएकाे पहिलो बागमती गोल्ड कप को उपाधी हरिहरपुर गाउँपालिका, सिन्धुली तथा दोस्रो र तेस्रो बागमती गोल्ड कपको उपाधी सरस्वती क्लब काठमाडौं ले पोल्टामा पारेका थिए ।
मकवानपुर । राष्ट्रिय प्रजातन्त्र पार्टिका अध्यक्ष कमल थापाले ताजा जनादेशको लागि चुनाबमा जानुपर्ने बताएका छन् । उनले वैशाखमा हुने पार्टीको महाधिवेशनबाट ताजा जनादेश र संकटबाट मुक्तीको नारा सहित जनताको माझ जाने भन्दै चुनाबबाटै पार्टीलाई स्थापित गर्ने प्रयास रहने बताए ।
गृह जिल्ला मकवानपुरमा पार्टिको जिल्ला परिषद बैठकलाई संबोधन गर्दै अध्यक्ष थापाले एमाले र माओवादी बिचको फुटपछि सत्ताको लागि भइरहेको कसरत अपवित्र भएकाे बताएका हुन् । अब अपवित्र गठबन्धन होइन चुनाबबाट मात्र देशको संकट टर्ने दावी समेत थापाले गरेका छन् ।
‘परिवर्तन पछि १४ बर्षको गलत राजनीतिक अभ्यासले गर्दा नेपालको इतिहासमा डरलाग्दो भ्रष्टाचारको दलदलमा मुलुक फसेको छ’ उनले भने ‘ सत्ता र प्रतिपक्ष दुबै भ्रष्टाचार र लुटको पक्षमा देखिएका छन् । ’
यसैगरी अध्यक्ष थापाले अाफ्नाे पार्टी नफुट्ने बताएका छन् । उनले पार्टी एकतालाई टुट्न नदिनका लागि दुई अध्यक्षहरु पशुपति शमशेर राणा र प्रकाशचन्द लोहनीलाई गिता छोयर कसम खान लगाएको समेत स्मरण गर्दै पार्टी एकता नफुट्ने दाबी गरेका हुन् । नँया नेपाल निर्माण गर्ने, शान्ती र स्थायीत्व कायम गरेर आर्थिक लक्ष्य बोकेर यात्रा सुरु गरेको अवस्थामा अहिले हामी ठिक विपरित गन्तव्य आईपुगेका छौ उनले भने ।
उनले देशमा २०६२/६३को परिर्वतन पछि अबलम्बन गरिएको अवधारणा र मार्गचित्रबारे पुर्नविचार गर्नुपर्ने र धर्मनिरिपेक्षता,गणतन्त्र र संघियताबारेमा खुला बहस गर्नुपर्ने बताए । उनले राजासहितको प्रजातन्त्रले देशमा विकास समृद्धि आउने बताए । अध्यक्ष थापाले कम्युनिस्ट र कांग्रेस असफल भएको भन्दै देशमा शान्ति र स्थाईत्व,आर्थिक समृद्धको लक्ष्य हासिलको लागि राप्रपा बलियो शक्तिको रुपमा अघि बढ्ने दाबी गरेका थिए ।
यसै बीच राप्रपा मकवानपुरको जिल्ला परिषद् बैठकबाट गुरु प्रसाद सापकोटाको अध्यक्षतामा २५ सदस्यीय जिल्ला कार्य समिती निर्बिरोध निर्बाचित भएका छन् ।

शुक्रबार हेटौंडामा भएको राप्रपा मकवानपुर जिल्ला परिषदबाट सापकोटाको अध्यक्षतामा २५ सदस्यीय जिल्ला समिति सर्वसम्मत चयन गरेको हो ।
यसअघि सापकोटा हेटौंडा उपमहानगर अध्यक्ष थिए । शुक्रबार राप्रपा अध्यक्ष कमल थापाको उपस्थितिमा राप्रपा मकवानपुरको जिल्ला परिषद् सम्पन्न भएको हो । राप्रपा जिल्ला समितिको सदस्यमा अर्जुनप्रसाद गौतम, मीठाराम खड्का, अम्बिका खतिवडा, सीता दाहाल, सुन्दर कुँवर, सरस्वती थिङ लगायत चयन भएका छन् ।
जिल्ला समितिमा निर्वाचित सदस्यको २५ प्रतिशतसम्म मनोनित गरिने नवनिर्वाचित अध्यक्ष सापकोटाले बताए । पार्टीको जिल्ला समितिको पदाधिकारीहरु पछि चयन गरिने भएकाे छ ।