मकवानपुर । इस्लाम धर्मावलम्बीहरुको महान पर्व रमजान अाजबाट सुरु भएको छ। यो पर्वमा एक महिनाभर मुस्लिम समुदायले बिहान सूर्योदय हुनु अघिदेखि सूर्यास्त नभएसम्म पानीसमेत खाँदैनन्। नेपाली नयाँ वर्षसँगै रोजा पर्व सुरु भएकाे पहिलो पटक हाे ।
उर्दू क्यालेण्डर सूर्य उदाउने र अस्ताउने समयसम्म निराहार बस्नुलाई रोजा भनिन्छ। रोजाको समय दैनिक सूर्य उदाउने र अस्ताउने समयसँगै समय तालिका पनि परिवर्तन भइरहन्छ। रोजा बस्न बिहान तोकिएको समय अगावै र बेलुका तोकिएको समयपछि आहार लिने गर्दछन्। रमजान उर्दू क्यालेण्डर अनुसार हिजरी सम्बत् १४४२ हो भने रमजान महिना नवौँ महिना हो। रमजान महिनामा नै मुसलमानको सबैभन्दा ठूलो ग्रन्थ कुरान अवतरण भएको हो भने यो महिनामा अल्लाहको कृतज्ञता प्राप्त हुने विश्वास लिएको छ।
दान दिनु गरीब र दीनदुःखीलाई सेवा गर्नु, जकात निकाल्नु यो महिनाको ठूलो विशेषता हो। रमजान व्रत बस्न आज साँझ मुसलमानहरुले चन्द्रमा हेर्न आकाशतिर दृष्यावलोकन गर्ने र चन्द्रमा हेरेर औधी रमाउने प्रचलन छ।
शरीरलाई चोखो राखेर मात्र रोजा बस्नु पर्छ। कुलतमा लागेका मानिस एक महिना इमान्दारीपूर्वक रोजा बस्न सक्यो भने चुरोट, खैनी, गुट्खा आदि पदार्थ खाने बानीमा परिवर्तन आउन सकिने सुनसरी सोनापुरका हाजी मोहम्मद अब्दुलको भनाइ छ।
व्रतका बेला मुस्लिम समुदायले मस्जिदमा गई कुरानको केही भागका रुपमा नमाज पढ्ने गर्छन्। एक महिनापछि व्रत समापनका अवसरमा पनि सामाजिक दूरी कायम गरेर इदुल फित्र मनाइने तयारी भइरहेको बताइएको छ। त्याग, तपस्या र बलिदान सबै जोडिने यो पर्वमा मुसलमान रोजा बस्नुलाई गर्व मान्दछ। नाबालक, बिरामी, घातक रोग लागेका र गर्भवती महिलालाई रोजा बस्न अनिवार्य छैन्।
देशभरका मुस्लिम समुदायले भक्तिको महिनाका रुपमा मनाउने भएकाले यसबाट पाप नाश हुने धार्मिक विश्वास रहेको छ। वर्षमा कुनै त्रुटि भएको भए यसै अवसरमा अल्लाहसँग क्षमायाचना गर्ने मुस्लिम समुदायको परम्परा छ।
मकवानपुर । गढी स्टार स्पोर्ट्स क्लबको आयोजनामा भानु मिनि पिचमा जारी तेश्रो संस्करणको मकवानपुरगढी फुट्सल प्रतियोगिताको नकआउट चरणका खेल आज मंगलबारबाट सुरू हुँदैछ । चैत ३० गते फुट्सल अन्तरगत समुह चरणका खेल सकिए सँगै नकआउट चरकाे खेल सुरू हुने भएकाे हाे ।
१५ टिमले भाग लिएको फुटसल प्रतियाेगितामा ८ टिम दोस्रो चरण नकअाउटका लागि छानिएका छन् । ७ टिमको यात्रा समुह चरणबाटै सकिएको छ ।
समुह ए बाट प्रतिभा युवा क्लब बी र कालिखोला एफसी, समुह बी बाट गढी स्टार स्पोर्टस् क्लब र सयपत्री फुटबल क्लब, समुह सि बाट सौजन्य युवा क्लब ए र मकवानपुरगढी–५, समुह डि बाट प्रतिभा युवा क्लब र सौजन्य युवा क्लब बि दोस्रो चरणमा प्रवेश गरेका छन् ।
त्यस्तै प्रतियोगितामा समुह चरणबाट बाहिरिएका टाेलीमा समुह ए मकवानपुरगढी गाउँपालिका र युटिसी गुम्बा, समुह बी बाट नेस्तकला टिम, समुह सि बाट युवक क्लब र स्पोर्टस समुह, पिवाईसी भेट्रान्स र नागरिक सचेतक रहेका छन् ।
प्रतियोगिताको बिजेता हुने टोलीले ट्रफिसहित नगद ५० हजार र उपबिजेता हुने टोलीले नगद २५ हजार प्राप्त गर्नेछन् । मकवानपुरगढी गाउँपालिकाका १५ वटा टोलीको सहभागिता रहेको छ ।मकवानपुरगढी गाउँपालिकाकाे प्रायोजक रहेकाे प्रतियोगितामा मकवानपुरगढी गाउँपालिकाका मात्रै खेलाडीले सहभागिता जनाएका छन् ।
मकवानपुर । पाँचौ राजर्षि जनक कप फुटबल प्रतियोगिता–२०७७ काे उपाधी पिप्ले युवा क्लब हेटौंडाले जीतेकाे छ । चैत ३० गते भएकाे फाइनलमा आयाेजक बागमती युवा क्लबलाइ सडनडेथमा ५–४ गाेल अन्तरले हराउँदै उपाधीमा कब्जा जमाएकाे हाे ।
प्रतियोगिताको विजेता बन्दै पिप्लेले १० लाख १ हजार नगर, प्रमाण पत्र शिल्ड प्राप्त गरेकाे छ । आयाेजक बागमतीले उपविजेतामा चित्त बुझाउँदै ५ लाख ५ सय नगद प्रमाण पत्र प्राप्त गरेकाे छ ।
निकै प्रतिस्पर्धात्मक भएकाे खेलकाे पहिलाे हाफमा दुबै टाेलीबाट २ –२ गाेल भएकाे थियाे । खेलकाे दाेस्राे हाफकाे अन्तिम समयमा बागमतीले १ गाेल गर्दै खेलमा अग्रता लिएकाे थियाे । दाेस्राे हाफकाे इन्जुरी समयमा पिप्लेकाे तर्फबाट जवाफी गाेल प्रहार भए पछी खेल टाइबेकरमा धकेलिएकाे थियो । टाइबेकरमा समेत अंक बराबरी भएपछि सडेन डेथमा पिप्ले बिजयी भएकाे हाे ।
पिप्ले युवा क्लब हेटौंडाका समिराज थोकरले खेलको ५ औँ मिनेटमा गोल गर्दै अग्रता दिलाएका थिए । आयोजकका स्टेफनले ११ औँ मिनेटमा गोल गर्दै खेल बराबरीमा ल्याए । यस्तै, स्टेफनले १६औँ मिनेटमा ब्यक्तिगत दोस्रो गोल गर्दै आयोजकलाई अग्रता दिलाए । पिप्लेका ग्लोरीले खेलको २६औँ मिनेटमा गोल गोल गर्दै बराबरीमा फर्काए । आयोजकका रित्तिक खड्काले खेलको ८९औँ मिनेटमा गोल गर्दै अग्रता दिलाए पनि हेटौंडाका ग्लोरीले इन्जुरी समयमा गोल गर्दै खेल बराबरीमा फर्किएकाे थियाे ।
फाइनल खेलमा म्यान अफ द म्याच पिप्ले युवा क्लव जर्सी नं. १९ नं.का ग्लाेरी भए । उनले नगद १० हजार प्राप्त गरेका छन् । प्रतियोगिताको बिधागत तर्फ पिप्ले हेटौंडाका प्रशिक्षक सुविन घिमिरे उत्कृष्ट प्रशिक्षक, हेटौंडाकै राजेन्द्र रावल उत्कृष्ट मिडफिल्ड, आयोजक बागमतीका गोलरक्षक अरुण ब्लोन उत्कृष्ट गोलरक्षक र सर्वाधिक गोलकर्ता आयोजककै स्टेफन घोषित भएका थिए । उनीहरुले जनही २०–२० हजार प्राप्त गरेका छन् । प्रतियोगिताको उत्कृष्ट खेलाडी आयोजकका कप्तान विजय घलान घोषित भए । उनले नगद ५१ हजार हातपारेका छन् । राइजिङ प्लेयर आयोजकका गोलरक्षक अरुण ब्लोन घोषित भए । उनले एक थान पल्सर मोटरसाइकल जित्न सफल भए ।
बागमती नगरपालिका सर्लाही र बागमती युवा क्लबकाे आयाेजनामा चैत २१ गते शनिबारबाट सुरू भएकाे प्रतियाेगितामा पिप्ले युवा क्लब अफ्रिकन रुट्स एसोसिएसन क्यामरुनलाई २–१ गाेल अन्तरले हराउँदै फाइनल प्रवेश गरेकाे हाे । त्यस्तै शसस्त्र प्रहरीकाे एपीएफ क्लबलाइ ४–० गाेल अन्तरले पराजीत गर्दै आयाेजक बागमती युवा क्लब फाइनल प्रवेश गरेकाे थियाे ।
पछिल्लो समय पिप्ले युवा क्लबले खेलकुदकाे गतिविधीबाट मकवानपुर जिल्लाकाे चिनारी गराउन र खेलकुद क्षेत्रको विकासमा आक्रामक ढङ्गले गतिविधि गर्दै आएको छ । मोफसलकै प्रतिष्ठित राजर्षि जनक कप फुटबल प्रतियगितामा उत्कृष्ट प्रदर्शन गर्दै उपाधी जितेर फुटबलमा आफ्नो बलियो दाबेदारी पनि पेस गरेको छ ।
फाइनल प्रतिस्पर्धामा उपाधि जित्दै मकवानपुरबासी लाई गौरवान्वित बनाएकाे प्रशिक्षक सुविन घिमिरेले बताए । उनले ‘विदेशी र नेपालका चर्चित खेलाडीको समिश्रण रहेको पिप्ले क्लबकाे खेलाडीको मेहेनतका कारण जीत सम्भव भएको बताए ।
प्रतियोगितामा कञ्चनजंघा एफसी सिलगुढी, बागमती युवा क्लब सर्लाही, अफ्रिकन रुट्स एसोसिएसन क्यामरुन, सेन्ट्रल कलेज बीएफसी चितवन, एपीएफ क्लब, नवजनजागृति युवा क्लब सिमरा, सुदुरपश्चिम ११ र बागमती नगरपालिका सर्लाहीले सहभागिता जनाएका थिए ।
मकवानपुर । नेपालमा पछिल्लो २४ घण्टामा थप ४ सय ९६ जनामा कोरोना भाइरस संक्रमण पुष्टि भएको छ । सोमबार ४ हजार ३ सय ७८ जनामा पीसीआर परीक्षण गर्दा थप ४ सय ९६ जनामा कारोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यो सँगै नेपालमा हालसम्म कारेना संक्रमितको संख्या २ लाख ८० हजार ५ सय २४ पुगेको छ ।
स्वास्थ्य मन्त्रालयका अनुसार नेपालमा पछिल्लो २४ घण्टामा थप १ सय ३८ जना कोरोना संक्रमित संक्रमणमुक्त भएका छन् । यो सँगै नेपालमा हालसम्म कोरोना संक्रमणमुक्त हुनेको संख्या २ लाख ७४ हजार १ सय ६५ पुगेको छ ।
यस्तै नेपालमा पछिल्लो २४ घण्टामा थप १३ जना कोरोना संक्रमितले ज्यान गुमाएका छन् । नेपालमा हालसम्म ३ हजार ५३ जना कोरोना संक्रमितले ज्यान गुमाएका छन् ।
नेपालमा नयाँ स्वरुपको कोरोना भाइरस
यसैगरी नेपाल हाल कोभिड–१९ को नयाँ स्वरुपको भाइरस देखापर्न थालेकाे छ । अहिले देखिएकाे काेराेनाकाे नयाँ भाइरसले युवा, किशाेर र बालबालकी बढी संक्रमण हुने गरेकाे विज्ञहरूले बताएका छन् । यससँगै थप सतर्कता अपनाउन समेत विज्ञहरुले सुझाव दिएका छन् । पहिले देखिएकाे भन्दा कडा खालको भाइरस रहेकाले विज्ञहरुले सतर्कता अपनाउन सुझाव दिएका हुन् ।
पछिल्लो एक महिनादेखि यस कडाखालको भाइरसले गर्दा बिरामी पनि ह्वात्तै बढेको पाइन्छ । नयाँ खालको भाइरसले गर्दा अहिले दैनिक सङ्क्रमित बढिरहेका छन् । अाइतबार मात्र ३ सय ३ जना सङ्क्रमित देखिएका छन् ।
अहिले देशभर ८९ जना सघन उपचार कक्ष ९सघन उपचार केन्द्र० र १५ जना भेन्टिलेटरमा उपचार गराइरहेका छन् ।
यस्तै कोभिड–१९ को गत वर्ष पाँच प्रतिशत बालबालिका सङ्क्रमित भएका थिए भने अहिले १५ देखि २० प्रतिशत बालबालिका देखिएको छ। बालबालिकामा ज्वरो, झाडापखला, रुघा लाग्ने जस्ता लक्षण देखिएका छन् ।
मकवानपुर । मकवानपुरको हेटौंडामा करेन्ट लागेर २ जनाकाे मृत्यु भएको छ ।
हेटाैडामा करेन्ट लागेर मृत्यु हुनेमा एक दम्पत्ती रहेका छन् । हेटौंडा-९ शान्तिचोकका ३५ वर्षीय समिर पाख्रिन र उनको श्रीमती ३० वर्षीया अन्सु पाख्रिनकाे करेन्ट लागेर मृत्यु भएकाे जिल्ला प्रहरी कार्यलय मकवानपुरले जनाएकाे छ ।
प्रहरी कार्यालयका प्रवक्ता जयश्वर रिमालका अनुसार चैत ३० गते साेमबार बिहान ९ बजे पाख्रिन दम्पतीले आफ्नो घरको मिटर बक्समा झोलिएको तारलाई फलामको डन्डिले उठाउन खोज्ने क्रमममा करेन्ट लागेर मृत्यु भएको हो ।