मकवानपुर । बागमती प्रदेश प्रहरी कार्यालयको “महिनाको उत्कृष्ट प्रहरी छनौट व्यवस्था’ अनुसार २०७७ चैत महिनाको सर्वोत्कृष्ट प्रदेश प्रहरी घोषणा गरीएको छ । घाेषणा अनुसार २०७७ साल चैत महिनाकाे सर्वोत्कृष्ट प्रदेश प्रहरी कर्मचारी बागमती प्रदेश प्रहरी कार्यालय हेटाैडामा कार्यरत प्रहरी निरीक्षक राेशन थापा भएका छन् ।
बागमती प्रदेश प्रहरी कार्यालय तथा मातहतमा कार्यरत प्रहरी कर्मचारीहरुबाट सम्पादित कार्यको उचित मुल्याङकन गरी कार्यसम्पादनको स्तरमा प्रभावकारीता एवंम् थप हौसला प्रदान गर्ने उद्देश्यले बागमती प्रदेश प्रहरी कार्यालयबाट जारी भएको “महिनाको उत्कृष्ट प्रहरी छनौट कार्यबिधी २०७७ मा उल्लेखीत व्यवस्था अनुसार २०७७ चैत महिनाको “महिनाको सर्वोत्कृष्ट प्रदेश प्रहरी (Best province Police Of The Month)” घोषणा गरिएको हाे ।
प्रहरी निरीक्षक थापाले आफुलाई सुम्पिएको जिम्मेवारी कुशलतापूर्वक एवं प्रशंसनीय ढंगबाट सम्पादन गरेकाे, टेलिभिजन कार्यक्रम सम्पादन, संचालन, उत्कृष्ट श्रव्यदृष्य सामग्री सहित टेलिभिजन कार्यक्रम निर्माण गरेकाेमा उनलाइ सर्वोत्कृष्ट प्रदेश प्रहरी घोषणा गरिएकाे प्रदेश प्रहरी प्रवक्ता प्रहरी बरिष्ठ उपरीक्षक मीरा चौधरीले बताइन् ।

साथै प्रहरी निरीक्षक थापाले बागमती प्रदेश अन्तर्गत २२ वटा भन्दा बढि रेडियो स्टेशनहरुबाट समेत पाक्षिक रुपमा प्रहरी कार्यक्रम प्रसारणको व्यवस्थाको लागि महत्वपुर्ण भूमिका निर्वाह गरेको, प्रदेश प्रहरी प्रमुख र मातहत प्रहरी कर्यालय प्रमुखहरु बीच भएको कार्य सम्पादन सम्झौताको मासिक प्रगति विवरणको मुल्यांकन गर्ने कार्यमा अहम जिम्मेवारी निर्वाह गरेको लगायतकाे सूचककाे आधारमा अन्य प्रहरी कर्मचारीहरु समेतलाई प्रोत्साहित गर्न प्रहरी निरीक्षक रोशन थापालाई २०७७ चैत महिनाको सर्बोत्कृष्ट प्रदेश प्रहरी (BEST PROVIENCE POLICE OF THE MONTH) घोषणा गरिएको बागमती प्रदेश प्रहरी कार्यालयले जनाएकाे छ ।
मकवानपुर । नेपालमा पछिल्लो २४ घण्टामा थप २ हजार ३ सय ५१ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पीसीआर विधिबाट २ हजार २ सय २० जना र एन्टिजेन विधिबाट १ सय ३१ जनामा संक्रमण पुष्टि भएको हो ।
काेराेना पुष्टि भएका मध्य १ हजार ५१ जना काठमाडौँ उपत्यकाका रहेका छन्। पछिल्लो २४ घण्टामा ८ हजार ८ सय ४४ परीक्षणको पीसीआर र ८ सय ३ जनाको एन्टिजेन परीक्षण भएको छ । हाल देशभर सक्रिय संक्रमितको संख्या १० हजार ५ सय ८२ रहेकाे छ ।
मकवानपुरमा बुधबार २५ जनामा कोरोना संक्रमण
मकवानपुर जिल्लामा बुधबार थप २५ जनामा कोरोना भाइरस संक्रमण पुष्टि भएको छ । संक्रमित मध्यमा एक जना ५ वर्षिय वालक समेत रहेका छन् ।
कोरोना संक्रमित मध्य २४ जना हेटौंडा उपमहानगरपालिका क्षेत्रका र एक जना कैलाश गाउँपालिकाको रहेको उपमहानगरपालिकाका जनस्वास्थ्य निरिक्षक भोला चौलागाईले वताए ।
हाल मकवानपुरमा ७७ जना सक्रिय संक्रमित रहेका छन । मकवानपुरमा हालसम्म ३ हजार ९ सय १२ जना संक्रमित भएका छन् । बुधबार विहान हेटाैडामा १ जना पुरूषकाे काेराेना संक्रमणका कारण निधन भएकाे छ । मकवानपुरमा संक्रमित मध्ये ३३ जनाको ज्यान गएको छ ।
कोरोना संक्रमणबाट मकवानपुरमा एक जनाको मृत्यु
Tags: No Comments
मकवानपुर / कोरोना भाइरस (कोभिड–१९)को संक्रमणबाट मकवानपुर जिल्लाको हेटौंडा उपमहानगरपालिका निवासी एक जना पुरुषको मृत्यु भएको छ।
केहि दिन अघि मात्रै कोरोना संक्रमण भएका हेटौंडा –४ कर्रा निवासी ७४ बर्षीय एक पुरुषको आज मृत्यु भएको हो । उनको शवलाई नेपाली सेनाको टोलीले व्यवस्थापन गर्ने तयारी गरेको जनाइएको छ। पछिल्लो समय कोरोनाको दोस्रो लहर सुरु भएपछि मकवानपुरमा कोरोनाबाट मृत्यु हुनेको संख्या पहिलो हो । हालसम्मको पछिल्लो परीक्षणमा ६९ जनामा कोरोना संक्रमण देखिएको छ ।
मृतक संक्रमित संक्रमण पुष्टिभएपछि पनि होम आईसोलेसनमा रहेर चिकित्सकको सल्लाह र परामर्श लिदै उपचाररत रहेको हेटौंडा उपमहानगरपालिकाका जनस्वास्थ्य अधिकृत भोला चौलागाँईले बताए । संक्रमितको संख्या बढ्दै गएपनि सरकारी तवरबाट उपचार कक्षको व्यवस्थापन नहुदा संक्रमित घरमा नै रहेको बताईएको छ ।
हेटौंडामा पहिलो चरणको कोरोना संक्रमण सुरु भएपछि तयार पारिएका गौरीटार र कर्रा आईसोलेसन बन्द भएपछि अहिले अस्पताल परिसरमै आईसोलेसन कक्ष तयार गर्ने बारे छलफल भइरहेको हेटौंडा अस्पताल विकास समितिका अध्यक्ष प्रकाश पौडेलले बताए ।
पठनपाठन बन्द, परीक्षा कार्यक्रम जारी
हेटौंडा उपमहानगरपालिका भित्र रहेको शैक्षिक संस्थाहरुमा बुधबारबाट पठनपाठन बन्द गरिएको छ । हेटौंडाको शैक्षिक संस्थाहरु बन्द गरेर अनलाईन मार्फत कक्षा संचालन गराउन कोभिड–१९ संक्रमण रोकथाम तथा संकट व्यवस्थापन केन्द्रले मंगलबार निर्णय गरेपछि आजबाट विद्यालयहरुमा पठनपाठन बन्द गरिएको हो । यद्यपि पूर्व निर्धारीत परिक्षा कार्यक्रमहरु भने सुचारु नै रहेको छ ।
कोरोना संक्रमण जोखिमका कारण मकवानपुरको हेटौंडा उपमहानगरपालिका भित्रका सार्वजनिक तथा निजी विद्यालय वैशाखभर बन्द हुने छन् । कोभिड–१९ संक्रमण रोकथाम तथा संकट व्यवस्थापन केन्द्र मकवानपुरको मंगलबार बसेको बैठकले गृह मन्त्रालय, शान्ति सुरक्षा तथा अपराध नियन्त्रण शाखाबाट आएका निर्णयहरूलाई जिल्लामा बैसाख ७ गते देखि लागू हुने गरी कार्यान्वयन गर्ने निर्णय गरे गरेको थियो ।
यससंगै हेटौंडा उपमहानगरपालिका भित्रको सार्वजनिक तथा निजी विद्यालयहरु बन्द गरिएको प्रमुख जिल्ला अधिकारी भरतमणी पाण्डेले बताए । प्रमुख जिल्ला अधिकारी पाण्डेको अध्यक्षतामा बसेको बैठकले हेटौंडा भित्रका शैक्षिक संस्था (विद्यालय, कलेज, ट्युशन सेन्टर, तालिम केन्द्र) मा उपस्थित नभई शैक्षिक गतिविधि २०७८ बैशाख मसान्तसम्म अनलाईन कक्षा संचालन गर्ने निर्णय गरेको गरेको हो ।
यसैगरि जिल्लाका ९ स्थानीय तहहरुले आफ्नो स्थानीय तह अन्तर्गतका विद्यालयहरूमा जनस्वास्थ्यका मापदण्डहरू अनिवार्य पालना गराई पठन पाठन गराउन सक्नेछ ।
मकवानपुर । स्थानीय वायु र पश्चिमी वायुको प्रभाव रही रहेकाेले आज बुधबार देशभर आंशिकदेखि सामान्य बदली हुने जल तथा मौसम विज्ञान विभाग अन्तरगतकाे मौसम पूर्वानुमान महाशाखाले जनाएको छ ।
देशका अधिकांश स्थानमा आज तुवाँलो लाग्ने सम्भावना समेत रहेको छ । पश्चिमी वायुसँगै धुलोका कणहरु आएकाले आज तुँवालो लाग्ने सम्भावना रहेको बताइएको छ । पानी परेपछि भने तुवाँलो घट्ने मौसमविद्को भनाइ छ ।
देशकाे सुदुरपश्चिम प्रदेश, कर्णाली प्रदेश, गण्डकी प्रदेश र लुम्विनी प्रदेशमा सामान्य बदली र अन्य प्रदेशहरुमा आशिक देखि सामान्य बदली रहने मौसम पूर्वानुमान महाशाखाले छ । ती प्रदेशका केही स्थान र अन्य प्रदेशहरुका थोरै स्थानमा मेघगर्जन/चट्टयाङ्ग र हावाहुरीसहित क्षणिक वर्षाको सम्भावना रहेको विभागले जनाएको छ ।
महाशाखाकाे अनुसार मध्यान्हपछि मेघगर्जन/चट्टयाङ्ग र हावाहुरीसहित क्षणिक वर्षाको सम्भावना रहेको छ । यस्तै आज राति देशभर आंशिकदेखि सामान्य बदली रही सुदूरपश्चिम प्रदेश, कर्णाली प्रदेशका केही र बाँकी प्रदेशका थोरै स्थानमा मेघगर्जन/चट्टयाङ्ग र हावाहुरीसहित क्षणिक वर्षाको सम्भावना रहेको छ ।
मेघगर्जन/चट्टयाङ्ग र हावाहुरीको सम्भावना रहेका क्षेत्रमा सतर्क हुन विभागले आग्रह गरेको छ ।
मकवानपुर । बागमती प्रदेशसभाको चालु सातौँ अधिवेशन मंगलबार राती १२ बजेबाट अन्त्य भएकाे छ । बागमती प्रदेश सरकारको सिफारिसमा प्रदेश प्रमुख विष्णुप्रसाद प्रसाइले नेपालको संविधानको धारा १८३ को उपधारा २ बमोजिम प्रदेशसभाको चालु सातौँ अधिवेशन बैठक अन्त्य गरेका हुन् ।
प्रदेश प्रमुख प्रसाइले मंगलबार सूचना जारी गर्दै अाज रातको १२ बजे देखि प्रदेशसभाको चालु सातौँ अधिवेसन बैठक अन्त्य गरेका हुन् । ७४ दिन पछी बसेकाे प्रदेशसभा बैठक प्रमुख प्रतिपक्षी दल नेकपा माओवादी केन्द्रले लगातार संसद् अवरुद्ध गर्दै आएको थियो ।
माओवादी केन्द्रले सरकारले बिना मापदण्ड विद्युतीय बस खरिद प्रक्रिया अघि बढाएको, पर्याप्त छलफल बिना नै निजी कम्पनीको समायावधी बाँकी रहँदै सुरुङ्ग मार्ग निर्माणको काम अघि बढाएको, आर्थिक सहायता कार्यविधि नै नबनाई मदन भण्डारी फाउण्डेशनलाई रु ५० लाख सहयोग गरिएकोलगायतका विषयमा मुख्यमन्त्री पौडेलको जवाफ माग गर्दै संसद् अवरुद्ध गर्दै आएको थियो ।
प्रदेश सभाको बैठकमा प्रमुख प्रतिपक्ष दल माओवादी केन्द्रले लगातार अवरोध गरेपछि सरकारको तर्फबाट मुख्यमन्त्री डोरमणि पौडेलले संसद चलाउन सर्वदलीय बैठक बोलाएका थिए । सर्वदलीय बैठक नेपाली कांग्रेस, नेकपा माओवादी केन्द्र र विवेकशील साझा पार्टीले बहिष्कार गरेका थिए ।
बागमती प्रदेश सभामा मंगलबारसम्म चालु हिउँदे अधिवेशनमा पास हुनुपर्ने दूई वटा विधेयक पेश नभई रोकिएको छ । कार्यसुचिमा रहेका भौतिक पुर्वाधार मन्त्रालयले पेश गरेको सडक सम्बन्धी विधेयक र उद्योग, पर्यटन, वन तथा वातवारण मन्त्रालयले पेश गरेको पर्यटन सम्बन्धी विधेयक छलफल विना नै राेकिएकाे हाे । त्यस्तै महालेखा परीक्षणको प्रतिवेदन, लोक सेवा आयोगको प्रतिवेदन र मुख्य न्यायाधिवक्ताको प्रतिवेदन पनि पेस हुन सकेको छैन ।
